პირველად სასტარტოში! ბითაძემ მოსკოვური კოშმარი მალე დაივიწყა

ბუდუჩნოსტი 102:71 მორნარ ბარი
გოგა ბითაძე: 14 ქულა, 3 მოხსნა

ადრიატიკის ლიგის მე-18 ტურში მონტენეგროს დერბი შედგა - გოგა ბითაძის ბუდუჩნოსტმა მორნარ ბარს უმასპინძლა და ძალიან იოლად დაამარცხა - 102:71. 19 წლის ქართველი ცენტრი კარიერაში პირველად მოხვდა ბუდუჩნოსტის სასტარტო ხუთეულში.

იმის გამო, რომ გოგამ 3 პერსონალურის მიღება 'მოასწრო' და ანგარიშში სხვაობა საგრძნობი იყო, მას მოედანზე დიდი ხანი არ გაუტარებია - 22:52 წუთი. მის ანგარიშზეა 14 ქულა, 3 მოხსნა და 1 ბლოკი. ბითაძის მარგი ქმედების კოეფიციენტი 13 იყო.

ბითაძის ჩატენვა და დაფარება

Goga Bitadze demonstrating his power on both ends of the court 💪#ABALiga @KKBuducnostVOLI pic.twitter.com/1Vy56SApAq
— ABA Liga (@ABA_League) February 4, 2019

ბუდუჩნოსტი 13 მოგებით მეორე ადგილზე გადავიდა, რაც ნახევარფინალში მასპინძლობის უფლებას აძლევს გუნდს. 10 თებერვალს ბითაძის გუნდი ბელგრადში პარტიზანს ესტუმრება.