- ბუდუჩნოსტი 75:70 გრან კანარია
- გოგა ბითაძე - 16 ქულა, 7 მოხსნა, 3 ბლოკი
ევროლიგის რეგულარული სეზონის მე-20 ტურის მატჩში გოგა ბითაძის ბუდუჩნოსტმა 75:70 დაამარცხა გრან კანარია. ეს ქართველი ცენტრის გუნდის მე-6 გამარჯვებაა სეზონში, ზედიზედ კი - მესამე. სხვათა შორის, მონტენეგროულმა კლუბმა 6-დან 4 შეხვედრა ესპანურ კლუბებთან მოიგო - დაამარცხა რეალიც, ბარსელონაც, ბასკონიაც და გრან კანარიაც.
გოგას ეფექტური ჩატენვა
ბრწყინვალე იყო გოგა ბითაძე, რომელიც კვლავ არ იყო სასტარტოში, თუმცა 28:36 წუთში 16 ქულით მატჩის MVP გახდა. ქართველმა ცენტრმა 7-დან 5 ორქულიანი და 7-დან 6 საჯარიმო ჩააგდო. მის ანგარიშზეა 7 მოხსნა, 3 ბლოკი და 2 პასი. მან მხოლოდ ერთხელ დაკარგა ბურთი და ერთხელ დაჯარიმდა.
გოგას ეფექტური დაფარება
გუნდში ნორის კოულისა და ბითაძის მისვლის შემდეგ, ბუდუჩნოსტი ერთი-ორად გაძლიერდა და ახლა პლეი ოფში მოსახვედრად ბრძოლაც არ არის აუხდენელი ოცნება - მე-8 ადგილს ბუდუჩნოსტი 3 მოგებით ჩამორჩება, რეგულარული სეზონის დასრულებამდე კი 10 ტური რჩება.
ევროლიგის ტვიტერი - A ⭐ დაიბადა
საინტერესო ფაქტები
🏀 ბითაძის 3 ბლოკი ტურის საუკეთესო შედეგია (ტავარეშთან ერთად).
🏀 გოგას მარგი ქმედების კოეფიციენტი 27 ჰქონდა, რაც მისთვის მეორე შედეგია ევროლიგაზე.
🏀 საშუალო მაჩვენებელი - 14.7 ქულა, 7.3 მოხსნა და 3.2 ბლოკი.
🏀 გოგამ 6-დან მხოლოდ ერთხელ ვერ შეძლო 10 ქულის დაგროვება (8 ქულა მაკაბისთან).
ბასკონიას ჯენინგმაც ვერ უშველა
ბასკონია, რომელსაც კვლავ აკლია ტრავმირებული თორნიკე შენგელია, სტუმრად დარუშაფაკასთან დამარცხდა - 75:80. საქართველოს ნაკრების მსროლელმა მეტ ჯენინგმა 18 ქულა, 3 მოხსნა და 3 პასი მიითვალა.
კომენტარები