- სოტირასი 0:12 ვისლა პლოცკი
- ჰეთ-თრიკის შესასრულებლად გიორგის 14 წუთი დასჭირდა
გიორგი მერებაშვილის ვისლა პლოცკი პოლონეთის ჩემპიონატის განახლებამდე ამხანაგურ მატჩებს მართავს. ქართველი ფეხბურთელის გუნდმა კვიპროსულ სოტირასთან შეხვედრაში 12-ჯერ მოახერხა მეტოქის კარში გოლის გატანა. მასპინძლებმა პირველ ტაიმი 5:0 მოიგეს, მეორე ნახევარში კი კიდევ 7 გოლი გაიტანეს.
მერებაშვილმა 14-წუთიან მონაკვეთში სამჯერ გამოიჩინა თავი. გიორგიმ 75-ე, 81-ე და 89-ე წუთებზე გაიტანა. ქართველმა ფეხბურთელმა ერთი საგოლე გადაცემაც შეასრულა. მერებაშვილის გარდა, სამი გოლით კიდევ ერთი ფეხბურთელი გამოირჩა - ვისლას ბრაზილიელი ლეგიონერი რიკარდინიო.
პოლონეთის ჩემპიონატი 8 თებერვალს განახლდება. ვისლა პლოცკი 21-ე ტურში ლეგიას საკუთარ მოედანზე უმასპინძლებს.
მატჩის მიმოხილვა 📺
კომენტარები