Thumbnail

დაცემა ევროპის ჩემპიონატზე - ყვითელაშვილი მე-15-ეა, მაისურაძე - 24-ე

ნიკო კვარაციხელი პროფილის ფოტო
ნიკო კვარაციხელი
  • მორის ყვითელაშვილი - 73.04 ქულა
  • შემდეგ ეტაპზე ორივე ქართველი გავიდა

მინსკში ფიგურულ ციგურაობაში ევროპის ჩემპიონატი მიმდინარეობს. ვაჟთა თანრიგში მოკლე პროგრამა გაიმართა, რომელშიც ორმა ქართველმა მოციგურავემ იასპარეზა - 23 წლის მორის ყვითელაშვილმა და 18 წლის ირაკლი მაისურაძემ.

ყვითელაშვილი ბოლო, უძლიერესთა ჯგუფში იყო და 37 მონაწილეს შორის ყინულზე 34-ე გამოვიდა. მორისმა ტოკიო მაიერსის Bloodstream-ის ფონზე ისრიალა, თუმცა სამწუხაროდ, რამდენიმე შეცდომა დაუშვა (ერთხელ დაეცა კიდეც) და საბოლოოდ 73.04 ქულა დაიმსახურა. მისი საუკეთესო შედეგი მოკლე პროგრამაში 89.94 ქულაა. 

პირველი დისციპლინის შემდეგ მორის ყვითელაშვილი მე-15 პოზიციაზეა. ლიდერ მიხაილ კოლიადას კი 100.49 ქულა აქვს. ირაკლი მაისურაძე 60.89 ქულით 24-ე ადგილზე გავიდა. ეს კი საკმარისი გამოდგა თავისუფალ პროგრამაში გადასასვლელად, რადგან 37 მონაწილიდან ბრძოლას სწორედ 24 აგრძელებს. 

ვაჟთა თავისუფალი პროგრამა 26 იანვარს გაიმართება. 

მორის ყვითელაშვილის გამოსვლა (მოკლე პროგრამა)

კომენტარები

ბოლო ამბები