Thumbnail

მორისის მესამე ცდა - ორი ქართველი ევროპის ჩემპიონატზე 

ნიკო კვარაციხელი პროფილის ფოტო
ნიკო კვარაციხელი
  • ევროპის ჩემპიონატი ფიგურულ ციგურაობაში
  • ყვითელაშვილი და მაისურაძე ერთეულთა თანრიგში

მინსკში დაიწყო ევროპის ჩემპიონატი ფიგურულ ციგურაობაში. წლეულს ტურნირზე ორი ქართველი მოციგურავე გამოვა, ორივე ვაჟთა ერთეულთა თანრიგში - პიონჩანის ოლიმპიადაზე საქართველოს მედროშე მორის ყვითელაშვილი და ირაკლი მაისურაძე.

23 წლის ყვითელაშვილისთვის ეს მესამე ევროპის ჩემპიონატია - შარშანწინ მან მე-6 ადგილი დაიკავა, შარშან კი - მე-12. მისი საუკეთესო შედეგი ორი პროგრამის ჯამში 248.58 ქულაა. 

ირაკლი მაისურაძე 18 წლისაა, შარშან მას ევროპის ჩემპიონატზე დებიუტი ჰქონდა და მე-17 ადგილი დაიკავა. 

ვაჟთა მოკლე პროგრამა 24 იანვარს დაიწყება. სულ 37 მონაწილეა, მაისურაძე მე-5 ჯგუფში 23-ე ნომრით გამოდის, ხოლო ყვითელაშვილი ბოლო ჯგუფშია და ყინულზე ის 34-ე გავა. 

კომენტარები

ბოლო ამბები