- ბარსელონა პირველი წრის ჩემპიონია
- ლიონელ მესიმ ლა ლიგაში მე-400 გოლი გაიტანა
ლა ლიგის პირველი წრის ბოლო ტურში ბარსელონამ ეიბარს 3:0 მოუგო. კატალონიელებმა პირველ წრეში 13 მატჩი მოიგეს, 4 ფრედ დაასრულეს და 2 მატჩშიც დამარცხდნენ. ბარსელონამ ეიბარს პირველი გოლი მე-19 წუთზე გაუტანა. კოუტინიოს გადაცემის შემდეგ ლუის სუარესმა სეზონში მეცამეტედ გამოიჩინა თავი. ურუგვაელმა ფეხბურთელმა ეიბარს ზედიზედ მეექვსე მატჩში გაუტანა. ვალვერდეს გუნდმა პირველი ნახევარი 1:0 მოიგო.
შეხვედრის მეორე გოლი ლიონელ მესიმ გაიტანა. არგენტინელმა ასიერ რიესგოს შანსი არ დაუტოვა და ლა ლიგაში მე-400 გოლი გაიტანა. ბარსელონამ ორბურთიანი უპირატესობა მოიპოვა და მატჩის ბედი გადაწყვიტა.
მატჩის საბოლოო ანგარიში ლუის სუარესმა დააფიქსირა, რომელმაც სერხი რობერტოს გადაცემით ისარგებლა და სეზონში მე-14 გოლი გაიტანა. ბარსელონას 43 ქულა დაუგროვდა, კატალონიური კლუბი უახლოეს მდევარს, მადრიდის ატლეტიკოს ხუთი ქულით უსწრებს და მეორე წრეს 20 იანვარს, ლეგანესის წინააღმდეგ დაიწყებს.
დღის სხვა მატჩები
ატლეტიკო 1:0 ლევანტე
ბილბაო 2:0 სევილია
კომენტარები