- ლოკომოტივი 47:10 ფიამე ორო
- თბილისურმა გუნდმა იტალიელებს 6 ლელო დაუდო
თბილისის ლოკომოტივმა კონტინენტის ფარზე ბოლო მატჩი გამართა. თბილისელებმა ავჭალის სარაგბო სტადიონზე იტალიურ ფიამე ოროს უმასპინძლეს და მეტოქე 37 ქულით, 47:10 გაანადგურეს.
ლოკომოტივი მთელი მატჩის განმავლობაში ფლობდა უპირატესობას და იტალიურ კლუბს 6 ლელო დაუდო. ბექა წიკლაურმა 6-დან 4 გარდასახვა ზუსტად შეასრულა, რასაც 2 ჯარიმაც და ერთი არეკნიც მიუმატა. წიკლაურმა სულ 27 ქულა დააგროვა - 'ბორჯღალოსანმა' იტალიელებს 2 ლელოც დაუდო.
ლოკომოტივმა მატჩი ბონუს ქულით მოიგო და ახლა ჯგუფს უკვე 14 ქულით ლიდერობს. ქართული გუნდის ბედი ერთ კვირაში გაირკვევა, როდესაც რომში ფიამე ორო კალვიზანოს შეხვდება.
ლელოები: გაგა არაბული, გიორგი შკინინი, ბექა წიკალური (2), ზურაბ ძნელაძე, ზვიად მაისურაძე
ლოკომოტივი V ფიამე ორო - მატჩის საუკეთესო მომენტები
კომენტარები