- შალკე 1:0 ლოკომოტივი
- გალათასარაი 2:3 პორტუ
ჩემპიონთა ლიგის D ჯგუფის ბოლო ტურის მატჩში საბა კვერკველიას ლოკომოტივი გერმანიაში შალკეს ესტუმრა და უმოტივაციო გუნდთან 0:1 დამარცხდა. რუსულ კლუბს შესანიშნავი შანსი ჰქონდა, მესამე ადგილისთვის ებრძოლა, მაგრამ ძალიან სუსტად ითამაშა შალკეს არცთუ ოპტიმალურ შემადგენლობასთან. 91-ე წუთზე ავსტრიელმა შიოპფმა გამარჯვების გოლი გაიტანა. საბამ შეუცვლელად ითამაშა.
ლოკომოტივმა ჯგუფი 3 ქულით (ერთადერთი მოგება შინ გალათასარაისთან) ბოლო ადგილზე დაასრულა.
სტამბოლში გალათასარაიმ 2:3 დათმო პორტუსთან, თუმცა მესამე ადგილი და ევროპალიგის პლეი ოფის საგზური შეინარჩუნა.
პორტუმა 16 ქულით ჯგუფური ეტაპი პირველ ადგილზე დაასრულა, შალკე 11 ქულით მეორეა, გალათასარაიმ 4 ქულით მესამე ადგილი დაიკავა, ხოლო ლოკომოტივი 3 ქულით ბოლოა.
შალკე 1:0 ლოკომოტივი
გოლი: 1:0 შიოპფი (91)
გალათასარაი 2:3 პორტუ
გოლები: 0:1 ფელიპე (17), 0:2 მარეგა (42-პენ), 1:2 ფეგული (45+1-პენ), 1:3 ს. ოლივეირა (57), 2:3 დერდიოკი (65)
გამოუყენებელი პენალტი: ფეგული (67. გალათასარაი)
კომენტარები