კიუშუს ბაშო | ტოჩინოშინმა მეტოქე 'შპაგატზე დასვა', მიზნამდე ერთი გამარჯვებაა

• ტოჩინოშინმა ტაკანოივა კოშიკუდაკეს ილეთით დასცა
• გაგამარუმ ვაკამოტოჰარუს ძლევით ბაშო დაასრულა

23 ნოემბერს კუნძულ კიუშუზე ბაშოს მე-13 დღის ორთაბრძოლები გაიმართა. დასავლეთის ოძეკი ტოჩინოშინი (ლევან გორგაძე) მე-6 მაეგაშირა ტაკანოივას შეხვდა და კოშიკუდაკეს ილეთით იმარჯვა. ტოჩინოშინს 7-6 ბალანსი აქვს და დადებითი ბალანსის დასაბევებლად ერთი მოგებაც ყოფნის დარჩენილ ორ ორთაბრძოლაში.

ტოჩინოშინი ბაშოს ბოლოსწინა დღეს სეკივაკე მიტაკეუმის ხვდება, რომელთანაც ურთიერთშეხვედრებში დადებითი ბალანსი აქვს - 5:3.

მაკუშიტას დივიზიონის პირველმა ნომერმა გაგამარუმ (თეიმურაზ ჯუღელი) ბაშოზე ბოლო ორთაბრძოლა გამართა, ის მე-7 ნომერ ვაკამოტოჰარუს დაუპირისპირდა და ჰატაკიკომის ილეთით იმარჯვა. ქართველმა სუმოისტმა კიუშუს ბაშო 5-2 ბალანსით დაასრულა და ის იანვარში ელიტის მეორე დივიზიონ ჯურიოში დაბრუნდება.

ბაშოზე კვლავ ერთპიროვნულად ლიდერობს კომუსუბი ტაკაკეიშო - 12-1. 

კიუშუ ბაშო. XIII დღე

მნიშვნელოვანი ორთაბრძოლები

⚪ ტაკაიასუ ⚫ დაიეიშო (ოშიტაოში)

⚪ ტოჩინოშინი ⚫ ტაკანოივა (კოშიკუდაკე)

⚪ ჩიოტაირიუ ⚫ მიტაკეუმი (ჰატაკიკომი)

⚪ იჩინოჯო ⚫ იოშიკაძე (კოტენაგე)

⚪ ტაკაკეიშო ⚫ აოიამა (ოშიტაოში)

⚪ რიუდენი ⚫ კაისეი (სუკუინაგე)

ლიდერები

12-1 ტაკაკეიშო (კომუსუბი)

11-2 ტაკაიასუ (ოძეკი)

10-3 ოკინოუმი (მაეგაშირა 11)

9-4 დაიეიშო (მაეგაშირა 9)

9-4 აოიამა (მაეგაშირა 12)

9-4 ონოშო (მაეგაშირა 13)