- იტალია 0:0 პორტუგალია
- ერთა ლიგის ოთხთა ფინალი პორტუგალიაში გაიმართება
17 ნოემბერს მილანის "სან სიროზე" უეფას ერთა ლიგის ელიტის მე-3 ჯგუფის შეხვედრა გაიმართა - იტალიამ პორტუგალიას უმასპინძლა და 0:0 დაუზავდა.
ეს შედეგი აწყობდა ევროპის ჩემპიონ პორტუგალიას, რომელიც კვლავ კრიშტიანო რონალდოს გარეშე ასპარეზობს - სანტოსის პორტუგალია ერთა ლიგის პლეი ოფში გავიდა. პორტუგალიას 3 თამაშის მერე 7 ქულა აქვს და ორი ქულით უსწრებს იტალიას, რომელმაც ტურნირზე გამოსვლა დაასრულა.
მეტიც, უეფას ერთა ლიგის ისტორიაში პირველ პლეი ოფს ოთხი გუნდის მონაწილეობით პორტუგალია უმასპინძლებს, შერჩეულია სტადიონიც - პორტუს "დრაგაო". შეხვედრები 2019 წლის ივნისში გაიმართება. ამის მიზეზი ისაა, რომ მასპინძლობის მოსრუნე სამივე ქვეყანა მე-3 ჯგუფში ასპარეზობდა - პოლონეთი, პორტუგალია და იტალია.
აქვე აღვნიშნოთ, რომ იტალიის ნაკრებში მე-100 მატჩი ჩაატარა ჯორჯო კიელინიმ, ის გუნდის კაპიტანი იყო.
იტალია 0:0 პორტუგალია
იტალია (4-3-3): დონარუმა - ფლორენცი, ბონუჩი, კიელინი, ბირაგი - ვერატი (81. პელეგრინი), ჟორჟინიო, ბარელა - კიეზა (87. ბერარდი), იმობილე (74. ლაზანია), ინსინიე
პორტუგალია (4-3-3): პატრისიო - კანსელო, დიაში, ფონტე, რუი - პიცი (68. მარიო), ვ. კარვალიო, ნევეში - ბრუმა (85. გერეირო), ანდრე სილვა (90. დ. პერეირა), ბერნარდო სილვა
კომენტარები