- ტოჩინოშინმა 3-შეხვედრიანი წაგებათა სერია დაასრულა
- გაგამარუ დღეს ისვენებდა
18 ნოემბერს კუნძულ კიუშუს ბაშოზე მე-8 დღის ასპარეზობები გაიმართა, სუპერტურნირმა ეკვატორი (ნაკაბი) გადალახა. დასავლეთის ოძეკი ტოჩინოშინი (ლევან გორგაძე) მე-3 მაეგაშირა რიუდენს შეხვდა.დაძაბული ორთაბრძოლა ქართველმა სუმოისტმა იორიკირის ილეთით მოიგო. მან 3-შეხვედრიანი წაგებათა სერია დაასრულა და ბალანსი გამოისწორა - 4-4.
ხვალ ტოჩინოშინის მეტოქე კიუშუს ბაშოს ერთპიროვნული ლიდერი, კომუსუბი ტაკაკეიშოა, რომელთანაც ქართველ სუმოისტს უარყოფითი ბალანსი აქვს - 1:4. ერთადერთი შემთხვევა, როცა ტოჩინოშინმა ტაკაკეიშო დააგდო, მისთვის ტრიუმფულ იანვრის ბაშოზე მოხდა, როცა ლევან გორგაძემ კარიერაში პირველად იმპერატორის თასი მოიგო. ტაკაკეიშოს 7-1 ბალანსი აქვს.
მაკუშიტას დივიზიონში გავარდნილი გაგამარუ (თეიმურაზ ჯუღელი), რომელიც დივიზიონის პირველი ნომერია, ისვენებდა. ხვალ გაგამარუ მე-4 მაკუშიტას, კაგამიუს შეხვდება. გაგამარუს 2-2 ბალანსი აქვს.
კიუშუ ბაშო. VIII დღე
მნიშვნელოვანი ორთაბრძოლები
⚪ ტაკაიასუ ⚫ შოდაი (მიმდინარეობს)
⚪ ტოჩინოშინი ⚫ რიუდენი (იორიკირი)
⚪ გოეიდო ⚫ იოშიკაძე (ჰატაკიკომი)
⚪ მიტაკეუმი ⚫ იჩინოჯო (ოშიდაში)
⚪ ჰოკუტოფუჯი ⚫ კაისეი (ოშიდაში)
⚪ ტაკაკეიშო ⚫ მიოგირიუ (ჰიკიოტოში)
ლიდერები
7-1 ტაკაკეიშო (კომუსუბი)
6-2 ტაკაიასუ (ოძეკი)
6-2 ტოჩიოძანი (მაეგაშირა 2)
6-2 აბი (მაეგაშირა 7)
6-2 დაიეიშო (მაეგაშირა 9)
6-2 აოიამა (მაეგაშირა 12)
6-2 ონოშო (მაეგაშირა 13)
კომენტარები