- ხორვატია 3:2 ესპანეთი
- 'მაქსიმირზე' ყველა გოლი მეორე ტაიმში გავიდა
ზაგრების "მაქსიმირზე" უეფას ერთა ლიგის მორიგ მატჩში ხორვატიის ნაკრებმა ესპანეთს უმასპინძლა და 3:2 მოუგო. ამ გუნდების პირველი მატჩი ელჩეში ხორვატთათვის სამარცხვინო შედეგით დასრულდა, მსოფლიოს ჩემპიონატის ფინალის შემდეგ პირველივე მატჩში გუნდმა 0:6 წააგო.
მართალია, სრულყოფილი რევანში არ შედგა, თუმცა დალიჩის გუნდმა უმნიშვნელოვანესი სამი ქულა აართვა მეტოქეს და პლეი ოფის შანსიც შეინარჩუნა.
ესპანეთს 4 ტურიდან 6 ქულა აქვს, ინგლისსა და ხორვატიას კი 4-4 ქულა, ოღონდ, 3-3 შეხვედრიდან. ამ ჯგუფში ყველაფერი ღიად რჩება.
1:0 კრამარიჩი (54)
ყველა გოლი მეორე ტაიმში გავიდა, 54-ე წუთზე ესპანეთის ნაკრების მცველების შეუთამაშებელი მოქმედებით ანდრეი კრამარიჩმა ისარგებლა და ანგარიში გახსნა.
1:1 სებალიოსი (56)
მაგრამ ორ წუთში "ფურია როხამ" პასუხი გასცა მეტოქეს - ისკომ საჯარიმოს ცენტრში დანი სებალიოსი მოძებნა და ამ უკანასკნელმა გაათანაბრა.
2:1 იედვაი (69)
ხორვატები ისევ გავიდნენ წინ - 69-ე წუთზე მარცხენა ფრთაზე ლუკა მოდრიჩმა ბრწყინვალედ ითამაშა და საჯარიმოში უყურადღებოდ დარჩენილ იედვაის გაატანინა. ~
2:2 სერხიო რამოსი (78-პენ)
სტუმრებმა კიდევ ერთხელ გაათანაბრეს, ეს სერხიო რამოსმა 11-მეტრიანიდან შეძლო.
3:2 იედვაი (93)
ხორვატთა მარცხენა მცველი მატჩის გმირი გახდა, როცა დე ხეას მე-3 კომპენსირებულ წუთზე გაუტანა.
ხორვატია 3:2 ესპანეთი
გოლები: 1:0 კრამარიჩი (54), 1:1 სებალიოსი (56), 2:1 იედვაი (69), 2:2 სერხიო რამოსი (78-პენ), 3:2 იედვაი (93)
ხორვატია (4-2-3-1): კალინიჩი - ვრსალკო, ლოვრენი, ვიდა, იედვაი - რაკიტიჩი (67. ვლაშიჩი), ბროზოვიჩი - რებიჩი (73. ბრეკალო), მოდრიჩი, პერიშიჩი - კრამარიჩი (89. პიაცა)
ესპანეთი (4-3-3): დე ხეა - სერხი რობერტო, სერხიო რამოსი, ი. მარტინესი, ალბა - საულ ნიგესი (74. სუსო), ბუსკეტსი, სებალიოსი - როდრიგო (61. ასენსიო), ასპასი (64. მორატა), ისკო
კომენტარები