- ცსკა 1:2 რომა
- ვალენსია 3:1 იანგ ბოისი
ჩემპიონთა ლიგის მე-4 ტურის ოთხშაბათის მატჩებიდან ორი ადრე დასრულდა - G ჯგუფში რომამ მოსკოვში 2:1 მოუგო 10-კაციან ცსკა-ს, ხოლო H ჯგუფში ვალენსიამ "მესტალიაზე" დაამარცხა იანგ ბოისი.
მოსკოვში ანგარიში უკვე მე-4 წუთზე გაიხსნა, როცა პელეგრინის კუთხურს თავური კოსტას მანოლასმა დაუხვედრა და რომა დააწინაურა. 50-ე წუთზე ცსკა-ს ისლანდიელმა ლეგიონერმა არნორ სიგურდსონმა გაათანაბრა. ცსკა მეორე ისლანდიელმა დააღალატა - ჰიორდურ მაგნუსონმა მეტოქე საჯარიმოსთან მოცელა და მეორე ყვითელი ბარათი მიიღო. რომას ფეხბურთელებმა 59-ე წუთზე სწორედ ეს საჯარიმო გაათამაშეს და ლორენცო პელეგრინიმ გამარჯვების გოლი გაიტანა.
რომას G ჯგუფში 9 ქულა აქვს, ხოლო ცსკას - 4. ამავე ჯგუფში პლზენი რეალს მასპინძლობს. ვალენსიას H ჯგუფში 5 ქულა აქვს, ხოლო იანგ ბოისს - 1. ამავე ჯგუფში იუვენტუსი მანჩესტერ იუნაიტედს მასპინძლობს.
ცსკა 1:2 რომა
გოლები: 0:1 მანოლასი (4), 1:1 სიგურდსონი (50), 1:2 პელეგრინი (59)
ცსკა (4-3-2-1): აკინფეევი - ფერნანდეში (12. შენნიკოვი), ბაკაო, მაგნუსონი, ნაბაბკინი - ახმეტოვი (76. ხოსონოვი), ბიოლი, ობლიაკოვი - ჩალოვი
რომა (4-2-3-1): ოლსენი - სანტონი, მანოლასი, ფასიო, კოლაროვი - ნ'ზონზი, კრისტანტე - ფლორენცი (88. ჟეზუში), პელეგრინი (82. ძანიოლო), კლუივერტი (70. იუნდერი) - ჯეკო
გაძევება: მაგნუსონი (56)
ვალენსია 3:1 იანგ ბოისი
გოლები: 1:0 ს. მინა (14), 1:1 ასალე (37), 2:1 ს. მინა (42), 3:1 სოლერი (56)
გაძევება: სანოგო (77. იანგ ბოისი)
კომენტარები