Thumbnail

ალავესი ლა ლიგაში გალიდერდა, აბელარდოს გუნდმა სელტას მოუგო

ჯიმი ოლსენი პროფილის ფოტო
ჯიმი ოლსენი
  • სელტა 0:1 ალავესი
  • ალავესმა ბალაიდოსზე პირველად მოიგო

ლა ლიგის მე-9 ტური ‘ბალაიდოსზე’ გაიხსნა. ვიგოს სელტამ ალავესს უმასპინძლა და 1:0 დამარცხდა. უგოლო პირველი ტაიმის შემდეგ, აბელარდოს გუნდმა 58-ე წუთზე გაიტანა. ვიქტორ ლაგუარდიამ ალონსოს აჯობა და საჯარიმოში ჩააბრუნა ბურთი, რის შემდეგაც უმეთვალყურეოდ დარჩენილმა ტომას პინამ მატჩის ერთადერთი გოლი გაიტანა და ალავესს მოაგებინა.

ალავესს 17 ქულა აქვს და ჯერჯერობით ლა ლიგის ლიდერია.

ალავესმა ბალაიდოსზე ლა ლიგაში პირველი შეხვედრა მოიგო. აქამდე გამართული 10 მატჩიდან, სელტას შვიდჯერ ჰქონდა მოგებული, სამი მატჩი კი ფრედ დასრულდა.

მატჩის მიმოხილვა 📺

კომენტარები

ბოლო ამბები