- კარლუშ კეირუშმა რეალში გატარებული დრო გაიხსენა
- მადრიდელთა ყოფილი მწვრთნელის თქმით, ბოსებმა მაშინ უპატიებელი 3 შეცდომა დაუშვეს
რეალის ყოფილმა მთავარმა მწვრთნელმა კარლუშ კეირუშმა მადრიდულ გრანდში მუშაობის პერიოდი გაიხსენა და გულახდილად ისაუბრა იმ 3 შეცდომაზე, რომელიც “სამეფო კლუბის” ხელმძღვანელებმა მისი აზრით, სატრანსფერო პოლიტიკაში დაუშვეს.
“როცა რეალში ვმუშაობდი, ამ კლუბმა 3 სასიკვდილო ცოდვა ჩაიდინა. სამივეს სახელი მ-ზე იწყება: მილიტო, მაკელელე და მორიენტესი,” - განაცხადა პორტუგალიელმა სპეციალისტმა, რომელიც რეალს 2003/2004 წლების სეზონში ავარჯიშებდა, ახლა კი ირანის ნაკრების დამრიგებელია.
65 წლის კეირუშმა ინტერვიუში მადრიდული გრანდის შეფების მაშინდელი საკადრო პოლიტიკა გაიხსენა: “გუნდში იყო 6 გალაქტიკო და ექვსივეს ძირითად შემადგენლობაში უნდა ეთამაშა. თანაც, ექვსივე შემტევი იყო. გუნდში იყვნენ ასევე კლოდ მაკელელე, რომელსაც ყველა დროის ერთ-ერთ საუკეთესო საყრდენ ნახევარმცველად მივიჩნევ და ფერნანდო მორიენტესი, რომელიც ჩემთვის ერთ-ერთი უსაყვარლესი ცენტრფორვარდი იყო. სამწუხაროდ, რეალი ორივემ დატოვა.”
კეირუში ამბობს, რომ არცერთი მათგანის გაშვება არ სურდა: “ჩემთვის აბსოლუტურად მოულოდნელად, მორიენტესი მონაკოში გაანათხოვრეს, მაკელელე კი ჩელსის მიჰყიდეს. ეს ორი მიზეზით მოხდა - პირველი და მთავარი: მაკელელეს მაისურები არ იყიდებოდა; მეორე: დევიდ ბექჰემისთვის ძირითად შემადგენლობაში ადგილი უნდა გამოგვეძებნა და გადაწყდა, რომ ის ცენტრში ითამაშებდა და არა ფლანგზე.”
გარდა ამისა, რეალს ცენტრალური მცველის, გაბრიელ მილიტოს შეძენა სურდა - მას ფერნანდო იერო უნდა შეეცვალა. მაგრამ არგენტინელმა სამედიცინო შემოწმება ვერ გაიარა. კეირუშმა მადრიდული კლუბის შეფებს პორტუგალიელი პეპე შესთავაზა: “მაშინ პეპეს ყიდვა 1,5 მილიონად შეგვეძლო, მაგრამ უარი თქვეს, 4 წლის შემდეგ შემდეგ კი მის სანაცვლოდ 30 მილიონი გადაიხადეს.”
აქვე ვთქვათ, რომ კეირუშის ხელმძღვანელობით რეალმა ლა ლიგაში მე-4 ადგილი დაიკავა...
კომენტარები