- სამპდორიამ რონალდო გადაიბირა
- გენუელებმა ტრანსფერი იუვეს სტილში გამოაცხადეს
რონალდო აქ, რონალდო იქ, რონალდო სამპდორიაში…
გენუურ კლუბს ახალი ფეხბურთელი ჰყავს - რონალდო! სამპდორიამ ახალი ფეხბურთელი ტვიტერზე ზუსტად ისე წარადგინა, როგორც იუვენტუსმა კრიშტიანო.
ოღონდ, სამპდორიას შემთხვევაში საქმე ეხება “მხოლოდ” რონალდო ვიეირას - 20 წლის ნახევარმცველს, რომელიც გენუელებმა ლიდსიდან 6,5 მილიონ ევროს შეიძინეს და 5-წლიანი კონტრაქტი გაუფორმეს. შედარებისთვის: იუვენტუსმა კრიშტიანო რონალდო 112 მილიონად იყიდა.
რონალდო ვიეირამ სახელი ბრაზილიელი რონალდოს გამო მიიღო, კრიშტიანოს კი 29 დეკემბერს შეხვდება - სწორედ ამ დღეს ესტუმრება ნაღდი რონალდო და მისი იუვენტუსი სამპდორიას.
აღსანიშნავია, რომ გენუურმა კლუბმა სხვანაირადაც იხუმრა. სამპდორიამ გამოაქვეყნა კიდევ ერთი პოსტი ასეთი ტექსტით: “რატომ უნდა აირჩიო, როცა შეგიძლია, რომ ორივე გყავდეს?” პოსტს სამი ფოტო ჰქონდა დართული - კრიშტიანო რონალდო, პატრიკ ვიეირა და რონალდო ვიეირა...
კომენტარები