- ტოჩინოშინი ვარჯიშს შეუდგა
- სექტემბრის ბაშო 9-23 სექტემბერს გაიმართება
nikkansports.com-ის ინფორმაციით, ოძეკი ტოჩინოშინმა (ლევან გორგაძე) ტრავმით გამოწვეული იძულებითი პაუზის შემდეგ, ვარჯიში განაახლა!
30 წლის ტოჩინოშინი ნაგოიას ბაშოს მე-6 დღეს (როცა 5-0 ბალანსით ერთ-ერთი ლიდერი იყო) დაშავდა, მან ფეხზე მყესი გაიწყვიტა და მას შემდეგ მკურნალობდა. ქართველ სუმოისტს მისთვის სადებიუტო ბაშოს (ჩემპიონის რანგში) დარჩენილი ორთაბრძოლების გამოტოვება მოუწია (5-10 ბალანსი ჩაეთვალა), რის გამოც ახლა ოძეკის ტიტული დასაცავი აქვს.
სუმოისტები ზაფხულის ტურზე იმყოფებიან, ტოჩინოშინი ტრავმის გამო მათ ვერ გაყვა. მან ტოკიოში კასუგანოს კლუბის დარბაზში დაიწყო ვარჯიში.
აკი ბაშო 9-23 სექტემბერს ტოკიოში გაიმართება
"როცა თავს ძალას ვატან, ტკივილს ვგრძნობ, თუმცა რა შედარებაა, ახლა ნამდვილად უკეთ ვარ. ნაბიჯ-ნაბიჯ წავალთ წინ, არ ავჩქარდებით", - აცხადებს ტოჩინოშინი, რომელიც ჯერ მსუბუქ, უკონტაქტო ვარჯიშებს აკეთებს. ქართველი სუმოისტი ზაფხულის ტურნეზე ჩართვას აგვისტოს შუიდან აპირებს, თუკი ფეხი ამის საშუალებას მისცემს.
წლის მე-5 სუპერტურნირი, აკი ბაშო (შემოდგომის ბაშო) ტოკიოს "კოკუგიკანში" 9-23 სექტემბერს გაიმართება. ტოჩინოშინს დადებითი ბალანსი (მინიმუმ 8 მოგება) ესაჭიროება, რომ ოძეკის ტიტული შეინარჩუნოს.
კომენტარები