- საქართველო 1:0 აზერბაიჯანი | გოლი: 1:0 მაშავა (50)
- ქართველმა ფეხბურთელებმა ორ მატჩში 5 ქულა მოიპოვეს
საქართველოს 16-წლამდე ფეხბურთელთა ნაკრებმა რუსთავში გამართული უეფას განვითარების თასი მოიგო, რომელსაც ამხანაგური ტურნირის რანგი ჰქონდა.
გიორგი ხიზანიშვილის გუნდმა პირველი შეხვედრა ზამბიას პენალტების სერიაში მოუგო, ხოლო ამჯერად აზერბაიჯანი დაამარცხა - 1:0. მატჩის ბედი მე-2 ტაიმის დასაწყისში ავთანდილ მაშავას ერთადერთმა გოლმა გადაწყვიტა, რომელმაც საბა გეგუჩაძის პასით ახლო მანძილიდან შეძლო მეტოქის კარის დალაშქვრა.
საქართველოს 16-წლამდე ნაკრებმა ჯგუფში 5 ქულა დააგროვა, პირველ ადგილზე გავიდა და უეფას განვითარების თასს დაეუფლა. აქვე გეტყვით, რომ 4 დღის წინ ერევანში, უეფას განვითარების თასზე საქართველოს 15-წლამდე ნაკრებმაც გაიმარჯვა.
საქართველო 1:0 აზერბაიჯანი
გოლი: 1:0 მაშავა (50)
საქართველო: საური, კალანდაძე (69. გოგატიშვილი), ნიკოლაიშვილი, მეფარიშვილი (46. ბუხუტეიშვილი), შენგელია, ფეიქრიშვილი, მაშავა (75. მეძველია), ქვარცხავა (46. ქელდიშვილი), ტკალია (46. გრიგალავა), გეგუჩაძე, მეხტიევი (75. ინაიშვილი).
კომენტარები