- ზვიად პატარიძემ ფინალში თურქ ილდირიმს მოუგო
- ნუგზარ წურწუმიამ დაძაბულ ბრძოლაში მოიგო ოქროს მედალი
- ლერი აბულაძის ბრინჯაო ევროპის ჩემპიონატზე
- საქართველოს კიდევ სამი მედლის შანსი აქვს
საქართველოს ბერძნულ-რომაული სტილით მოჭიდავეთა ნაკრებმა ევროპის ჩემპიონატის პირველ დღეს სამი მედალი მოიპოვა. ნუგზარ წურწუმია 55 კილოგრამ წონით კატეგორიაში ევროპის ჩემპიონი გახდა. მან ფინალში მასპინძელი თურქეთის წარმომადგენელს, ერკემ ოზთურქს 11:8 მოუგო.
ლერი აბულაძემ 63 კილოგრამ წონით კატეგორიაში ბრინჯაოს მედლის მოპოვება შეძლო. აბულაძემ ბრინჯაოს მედლისთვის გამართულ შეხვედრაში ლიტველ იუსტრას პეტრავიჩიუსი 7:4 დაამარცხა.
ზვიად პატარიძე მძიმე წონაში ევროპის ჩემპიონი მეხუთედ გახდა! ქართველმა მოჭიდავემ ფინალში კიდევ ერთ თურქს აჯობა - პატარიძემ ოსმან ილდირიმს 2:0 მოუგო.
პირველი დღის შემდეგ, საქართველო გუნდურ ჩათვლაში პირველ ადგილს იკავებს. ქართველებს სამი მედალი აქვთ და მეორე საჭიდაო დღეს კიდევ სამი მედლის მოპოვების შანსი აქვთ.
72 კგ: რამაზ ზოიძე V ჩენგიზ არსლანი - ფინალი.
დავით ჩხარტიშვილი (60კგ) და გიორგი მელია (97კგ) დამამშვიდებელ წრეში არიან და ბრინჯაოსთვის ბრძოლას აგრძელებენ.
კომენტარები