Thumbnail

დინამო თბილისმა მორიგი ტრანსფერი ოფიციალურად დაადასტურა - საქართველოს ვიცე-ჩემპიონმა ნიგერიელი მცველი გოდფრი სტეფან ბიტოკი დაიმატა.

როგორც დედაქალაქური გუნდის ვებგვერდი წერს, 21 წლის ფეხბურთელი კლუბს 1-წლიანი იჯარით შეუერთდა. ის პოლონური იაგელონიას საკუთრებაა და დინამოში განათხოვრების წესით ითამაშებს.

"ვიცი, რომ დინამო ისტორიული გუნდია. მის შესახებ ადრეც მქონდა ინფორმაცია. ახლა კი აქ ვარ და ეს ძალიან კარგი შეგრძნებაა. ამ კლუბს მრავალწლიანი ისტორია აქვს და ბედნიერი ვარ, რომ მისი ნაწილი გავხდი. ჩემი მიზანია, რომ კლუბს წინსვლასა და ტიტულების მოპოვებაში დავეხმარო. ყველა თამაშში გამარჯვება მსურს," - აცხადებს ბიტოკი.

ბიტოკი ცაციაა, მარცხენა მცველია, თუმცა დაცვის ცენტრშიც შეუძლია თამაში
📸 | ფოტო: დინამო თბილისი

ბიტოკი იაგელონიამდე ბელარუსული ისლოჩის ღირსებას იცავდა, რომლის მაისურით 59 შეხვედრაში 8 გოლი გაიტანა და 8 საგოლე გადაცემა მიითვალა. მისი ძირითადი პოზიცია დაცვის მარცხენა ფლანგია (ცაციაა), თუმცა ცენტრალური მცველის პოზიციაზეც შეუძლია თამაში. "ტრანსფერმარკტი" მას 200 000 ევროდ აფასებს.

შეგახსენებთ, რომ დინამო თბილისმა მანამდე უკრაინელი თავდამსხმელის, სტანისლავ ბილენკის ტრანსფერი დაადასტურა.

გოდფრი სტეფენ ბიტოკი იჯარის წესით დინამო თბილისში იასპარეზებს 💪

21 წლის ნიგერიელი მცველი გოდფრი სტეფენ ბიტოკი დინამო თბილისს პოლონური იაგელონიადან შემოუერთდა 🔵⚪️ #FCDT 🔗ვრცლად - https://bit.ly/3GOvaTM

Posted by FC Dinamo Tbilisi on Saturday, December 18, 2021

კომენტარები

ბოლო ამბები