Thumbnail

ფეხბურთის დღესასწაული ბათუმში - საჩემპიონო სვლა, ფანების პერფორმანსი

ლუკა გაბიდაური პროფილის ფოტო
ლუკა გაბიდაური

საქართველოს 2021 წლის ჩემპიონმა დინამო ბათუმმა მიღწეული წარმატება ზღვისპირა ქალაქის მთავარ გამზარზე, თავის გულშემატკივრებთან ერთად იზეიმა! ისტორიაში პირველი საჩემპიონო ფარის მოპოვების შემდეგ, 4 დეკემბერს, გია გეგუჩაძის გუნდმა ბათუმში, რუსთაველის გამზირზე საჩემპიონო მსვლელობა გამართა. 

საჩემპიონო მსვლელობა ბათუმში🚍🎯

🇬🇪🏆 ისტორიაში პირველი ჩემპიონობა მოგებულია - მისია შესრულებული! 🏆🇬🇪 FC Dinamo Batumi #FCDB #CHAMPIONS

Posted by popsport on Saturday, December 4, 2021


მსვლელობის ეპიცენტრი ბათუმში წმ. ბარბარეს ეკლესიიდან დრამატულ თეატრამდე მონაკვეთი იყო. ავტობუსმა, რომლის სახურავზე დინამოელები საჩემპიონო ფარითა და ოქროს მედლებით იმყოფებოდნენ, გზა გულშემატკივრების ოვაციების თანხლებით განვლო. საკლუბო ატრიბუტიკითა და მაშხალებით შეირაღებულმა "პირატებმა" ჩემპიონებს მორიგი პერფორმანსი მოუწყვეს.

მსვლელობა ბათუმის ბულვარის კოლონადებთან დასრულდა, სადაც ზეიმი გალა კონცერტით გაგრძელდა.

🎯🌟 ღირსეული ჩემპიონები - ისტორიული კადრები ბათუმში. FC Dinamo Batumi | #FCDB

Posted by popsport on Friday, December 3, 2021


დინამო ბათუმმა საქართველოს ჩემპიონობა ისტორიაში პირველად მოიპოვა და და მომდევნო სეზონში ჩემპიონთა ლიგის საკვალიფიკაციო ეტაპზე ითამაშებს. გია გეგუჩაძის გუნდმა ეროვნული ლიგის სეზონი 75 ქულით დაასრულა, ბოლო მატჩში კი თავის საშინაო არენაზე გორის დილასთან ფრედ (2:2) ჩაატარა, რომლის დასრულების შემდეგ საზეიმო ვითარებაში საჩემპიონო ფარი და ოქროს მედლები ჩაიბარა.

კომენტარები

ბოლო ამბები