- უეფამ საკლუბო და ასოციაციათა სეზონის შემაჯამებელი რეიტინგები გამოაქვეყნა
- მოწინავე ხუთეულში დიდი ცვლილებებია, თუმცა ლიდერი იგივეა
- -11 სამ სეზონში | საქართველოს სწრაფი ვარდნა უეფას კოეფიციენტთა სიაში
ევროპის საკლუბო სეზონის დასრულების შემდეგ უეფამ საკლუბო და ასოციაციათა ახალი კოეფიციენტების სია გამოაქვეყნა.
როგორც მოსალოდნელი იყო, საკლუბო რეიტინგში ზედიზედ მეხუთე სეზონი დაასრულა პირველ ადგილზე მადრიდის რეალმა. ზინედინ ზიდანის გუნდმა ზედიზედ მესამედ მოიგო ჩემპიონთა ლიგა.
აი, მის შემდეგ მოწინავე ხუთეულში დიდი ცვლილებებია - მადრიდის ატლეტიკომ წინ ორი საფეხურით წაიწია და ახლა მეორე ადგილზეა. შეგახსენებთ, რომ დიეგო სიმეონეს გუნდმა ევროპალიგა მოიგო.
ასე რომ, ამ რეიტინგის ისტორიაში პირველად პირველ-მეორე ადგილებზე ერთი ქალაქის კლუბები არიან (ამ შემთხვევაში, მადრიდის).
მესამე ადგილზეა მიუნხენის ბაიერნი, რომელმაც ერთი პოზიცია დათმო. ასევე ერთი პოზიციით უკან დაიხია ბარსელონამ და მეოთხეა. ხუთეულს ასრულებს ტურინის იუვენტუსი, რომელიც გასულ სეზონშიც მეხუთე პოზიციაზე იყო.
შარშანდელთან შედარებით ათეულში შესვლა შეძლეს მანჩესტერ სიტიმ და არსენალმა.
უეფას საკლუბო რეიტინგი
1 (1). რეალი - 162.000
2 (4). ატლეტიკო - 140.000
3 (2). ბაიერნი - 135.000
4 (3). ბარსელონა - 132.000
5 (5). იუვენტუსი - 126.000
6 (8). სევილია - 113.000
7 (6). პსჟ - 109.000
8 (12). სიტი - 109.000
9 (11). არსენალი - 100.000
10 (7). დორტმუნდი - 93.000
ქართული კლუბები
218. დინამო - 4.250
314. დილა - 2.750
333. ჩიხურა - 2.000
385. სამტრედია - 1.250
403. ბათუმი - 0.500
404. ტორპედო - 0.500
409. ცხინვალი - 0.250
410. ზესტაფონი - 0.250
412. სიონი - 0.250
საინტერესო ფაქტები
მოწინავე ასეულში ყველაზე მეტი, ინგლისური კლუბია - 13.
მოწინავე ასეულში 12 იტალიური კლუბია, აქედან 5 50-ეულში.
მოწინავე ასეულში 10 ესპანური კლუბია, აქედან 7 50-ეულში (6 ინგლისური).
მოწინავე ასეულში 10 გერმანული კლუბიცაა, ოღონდ 50-ეულში ხუთია.
მოწინავე ასეულში სულ 5 ფრანგული კლუბია, თუმცა აქედან 4 50-ეულშია.
მადრიდული წყვილის (რეალი-ატლეტიკო), მერე მოდის მანჩესტერული წყვილი (სიტი, იუნაიტედი - 8 და 12) და ლონდონური (არსენალი, ჩელსი - 9 და 13).
კომენტარები