Thumbnail

WhoScored-მა მსოფლიოს ჩემპიონატის B ჯგუფის ტურის სიმბოლური ნაკრები შეადგინა, რომელშიც ორი ქართველი ფეხბურთელი შევიდა. შეგახსენებთ, რომ ამ ტურში საქართველოს ნაკრებმა სტუმრად 2:1 დაამარცხა კოსოვო, ხოლო შვედეთმა შინ 2:0 მოუგო საბერძნეთის ნაკრებს. ტურის სიმმოლურში 6 შვედი, 3 კოსოვოელი და 2 ქართველი შევიდა (ბერძნები რჩეულთა შორის ვერ მოხვდნენ). 

გამოკითხვა

ვინ მოიგებს?

  • ლაციო
  • ფრე
  • ინტერი

ტურის სომბოლურში არიან გუნდის კაპიტანი გურამ კაშია და შემტევი ნახევარმცველი გიორგი წიტაიშვილი. კოსოვოელთაგან გუნდში მოხვდნენ ვოივოდა, ცელინა და მურიქი. ტურის საუკეთესო ფეხბურთელი კი ალეკსანდერ ისაკი (შვედეთი) გახდა - 8.3 ქულა. 

აღსანიშნავია, რომ ტურნირის (მიმდინარე) სიმბოლურში ქართველები არ არიან - 5 შვედია, 3 ესპანელი, 2 ბერძენი და 1 კოსოვოელი. 

ტურის სიმბოლური. B ჯგუფი:  ოლსენი (შვედეთი) - ვოივოდა (კოსოვო), დანიელსონი (შვედეთი), კაშია (საქართველო), აუგუსტინსონი (შვედეთი) - წიტაიშვილი (საქართველო), ოლსონი (შვედეთი), ცელინა (კოსოვო), ფორსბერგი (შვედეთი) - ისაკი (შვედეთი), მურიქი (კოსოვო).  

B ჯგუფის საინტერესო ფაქტები

📌 საქართველოს ნაკრები ყველაზე იშვიათად ურტყამს კარში - 7.1, თუმცა ზუსტი დარტყმებით კოსოვოს უსწრებს - საშუალოდ 2.7.

📌 ნაკრები დრიბლინგით (იგულისხმება წარმატებული) პირველა ადგილზეა - 10.0.

📌 ბურთის ფლობით, ნაკრები ბოლო ადგილზეა 40.5%. პირველზე ესპანეთია (77.1%), ერთადერთი გუნდი, რომელსაც 50%-ზე მეტი აქვს.

📌 პასების სიზუსტით ესპანეთი ერთი თავით სჯობნის ყველას - 91.5%. მეორე ადგილზე საქართველოა (79.9%), მაგრამ ბოლოადგილოსანს მხოლოდ 1.7%-ით უსწრებს.

📌 საჰაერო დუელებში საქართველო ბოლოა - 11.6 მოგებული დუელი თამაშში. 

📌 საშუალო შეფასებებით ჯგუფში ქართველთაგან საუკეთესოს, ხვიჩა კვარაცხელიას 7.19 ქულა აქვს და ის მე-12 ადგილზეა. პირველი ისაკია - 7.83, შემდეგ მოდის კარლოს სოლერი (ესპანეთი) - 7.65 და ანასტასიოს ბაკასეტასი (საბერძნეთი) - 7.62. 

📌 გიორგი ლორიამ და ვედათ მურიქიმ (კოსოვო) მოედანზე ყველა, 630 წუთი გაატარეს (7-7 მატჩი). 

📌 4-4 გოლით ისაკი და ფერან ტორესი (ესპანეთი) ლიდერობენ. თითოეულს იმდენივე გოლი აქვს გატანილი, რამდენიც საქართველოს ნაკრებს, რომლის რიგებშიც 2 გოლი ხვიჩა კვარაცხელიამ გაიტანა. 

📌 WhoScored-ის მატჩის საუკეთესო მოთამაშეები 3-3-ჯერ გახდნენ ისაკი და ბაკასეტასი, 2-2-ჯერ კვარაცხელია და მურიქი. 

📌 საშუალოდ 4 წარმატებული დრიბლინგით პირველი კვლავ კვარაცხელია, მიუხედავად იმისა, რომ კოსოვოსთან მას ერთხელაც არ გამოუვიდა. 

📌 ხვიჩა პირველია უარყოფითი კუთხითაც - საშუალოდ 3.6 ცუდი კონტროლი ბურთზე. 

გამოკითხვა

ვინ მოიგებს?

  • დინამო თბილისი
  • ფრე
  • ტორპედო

საქართველოს ნაკრების TOP-5. WhoScored

1. ხვიჩა კვარაცხელია - 7.18
2. თორნიკე ოქრიაშვილი - 6.63
3. გურამ კაშია - 6.62
4. ჯაბა კანკავა - 6.59
5. ოთარ კიტეიშვილი - 6.52

კომენტარები

ბოლო ამბები