- ტოჩინოშინმა ყოფილი ოძეკი კოტოშოგიკუ დაამარცხა
- მომდევნო მეტოქე დიდი ჩემპიონი ჰაკუჰოა
- ► რამდენი გამოიმუშავა ტოჩინოშინმა ნაცუ ბაშოზე
ზაფხულის ბაშოს მე-11 დღეს აღმოსავლეთის სეკივაკე ტოჩინოშინი (ლევან გორგაძე) ყოფილ ოძეკის, კოტოშოგიკუს შეხვდა და უვატენაგეს ილეთით დაამარცხა. დიდი დაჯახების შემდეგ ტოჩინოშინმა მეტოქეს მარცხენა ხელით ბრწყინვალე ილეთი შეუსრულა.
ტოჩინოშინს 11-დან 11 მოგება აქვს ის ისევ ერთპიროვნული ლიდერია. მან უკვე შეასრულა ოძეკის ტიტულის მიღების ყველანაირი წინაპირობა. არ არსებობს არც ერთი მიზეზი, რომ მას ჩემპიონის რანგი არ მიანიჭონ.
ბაშოს მე-12 დღეს ქართველი სუმოისტი იმპერატორის თასის 40-გზის მფლობელ დიდ ჩემპიონ ჰაკუჰოს ხვდება. მასთან ლევანს ურთიერთშეხვედრებში კატასტროფული შედეგი აქვს - 0:25.
კვლავ მოიგეს ტოჩინოშინის მდევრებმა, დიდმა ჩემპიონებმა კაკურიუმ და ჰაკუჰომ. კაკურიუმ მიტაკეუმი ჰატაკიკომის ილეთით დაამარცხა, ხოლო ჰაკუჰო ძალიან იოლად გაუსწორდა რიგით მაეგაშირა შოდაის.
სატურნირო მდგომარეობა
11-0
ტოჩინოშინი (სეკივაკე)
10-1
კაკურიუ (იოკოძუნა)
ჰაკუჰო (იოკოძუნა)
8-3
იკიოი (მაეგაშირა 5)
ჩიონოკუნი (მაეგაშირა 11)
კიოკუტაისეი (მაეგაშირა 15)
მიოგირიუ (მაეგაშირა 16)
ნიშიკიგი (მაეგაშირა 17)
ძურიოს მე-2 ნომერი გაგამარუ (თეიმურაზ ჯუღელი) ერთი დღით უმაღლეს დივიზიონში ჭიდაობდა - მეტოქე მე-15 მაეგაშირა კიოკუტაისეი იყო, გაგამარუმ მორიგი მარცხი განიცადა. ქართველ სუმოისტს 2-9 ბალანსი აქვს, მისი მომდევნო მეტოქე ჰომარეფუჯი იქნება.
კომენტარები