- ყაზბეგში GFC13-ზე 8 მაგარი ბრძოლა გაიმართა
- MAIN CARD-ის ბრძოლები სრულად და ყველა ჩხუბის შედეგი
28 ივლისს, MMA-ში GFC-ის (Georgian Fighting Championship) ორგანიზებით, მორიგი ორთაბრძოლები ჩატარდა. ღონისძიება ყაზბეგში შედგა და მასში ქართველი მებრძოლების გარდა, უცხოელი სპორტსმენებიც მონაწილეობდნენ.
ევროპაბეთის და პოპსპორტის არხებზე 8 ძალიან საინტერესო და დაძაბული დაპირისპირება ვნახეთ.
სოფია ბაგიშვილმა თურქი აიბუკე იმანჩი პირველსავე რაუნდში, მტკივნეული ილეთით დაამარცხა. ლუკა გიორგაძემ მესამე რაუნდში შეძლო სომეხი მებრძოლის, დავით ხაჩატურიანის დამარცხება - ტექნიკური ნოკაუტით.
მესამე ბრძოლაში, მიშა გორიაშვილმა ოთარ ხაჩიურიძე დაამარცხა - მან ეს პირველივე რაუნდში, ტექნიკური ნოკაუტით მოახერხა. Main Card-ის ბოლო ბრძოლაში ბექა გოგალაძემ მესამე რაუნდში, ტექნიკური ნოკაურით მოუგო აზერბაიჯანელ ილგარ გაფაროვს. აღსანიშნავია, რომ ქართველი მებრძოლი სამივე რაუნდში უპირატესობას ფლობდა.
MAIN CARD - ოთხი საუკეთესო ბრძოლა
შენიშვნა: წყვილებში გამარჯვებულები მონიშნულია მუქი ფერით
👊 48.5 კგ: აიბუკე იმანჩი (თურქეთი) VS სოფია ბაგიშვილი (საქართველო)
👊 65.8 კგ: დავით ხაჩატურიანი (სომხეთი) VS ლუკა გიორგაძე (საქართველო)
👊 70.3 კგ: ოთარ ხაჩიურიძე (საქართველო) VS მიშა გორიაშვილი (საქართველო)
👊 61.2 კგ: ილგარ გაფაროვი (აზერბაიჯანი) VS ბექა გოგალაძე (საქართველო)
4 ბრძოლა Under Card-ში
Under Card-ის პირველი ბრძოლა ნიკა ღუდუშაურმა მტკივნეული ილეთით მოიგო - მესამე რაუნდში მას ადემ ვაშაყმაძე დანებდა. ასევე მესამე რაუნდში მოიპოვა გამარჯვება იური ბერიძემ, რომელმაც თურქი ქერიმ ქელესი ტექნიკური ნოკაუტით დაამარცხა. სამწუხაროდ, დამარცხდა ყაზბეგელი გიორგი წამალაიძე - თურქმა აჰმედ აჰრიევმა მას მახრჩობელა ილეთით მოუგო. რაც შეეხება Under Card-ის ბოლო ბრძოლას: შალვა მეტრებელმა პირველსავე რაუნდში ტრავმა მიიღო და გამარჯვება მიხეილ საჟინიანს დარჩა.
Under Card-ის შედეგები
შენიშვნა: წყვილებში გამარჯვებულები მონიშნულია მუქი ფერით
👊 61.2 კგ: ადემ ვაშაყმაძე (საქართველო) VS ნიკა ღუდუშაური (საქართველო )
👊 70.3 კგ: ქერიმ ქელესი (თურქეთი) VS იური ბერიძე (საქართველო)
👊 70.3 კგ: აჰმედ აჰრიევი (თურქეთი) VS გიორგი წამალიძე (საქართველო)
👊 93 კგ: შალვა მეტრეველი (საქართველო) VS მიხეილ საჟინიანი (საქართველო)
📺 ვიდეო: მთლიანი ივენთი და ყველა ბრძოლა სრულად
კომენტარები