Thumbnail

10 ივლისს ქართულმა დელეგაციამ ოლიმპიური ფიცი დადო და ტოკიოში ზაფხულის ოლიმპიურ თამაშებზე მიემგზავრება. იაპონიაში სულ 35 ქართველი ათლეტი იასპარეზებს. ტოკიოს თამაშები, შარშან უნდა გამართულიყო, მაგრამ კორონავირუსის პანდემიის გამო, ერთი წლის დაგვიანებით ჩატარდება, თუმცა სიტუაცია კვლავ არ არის საუკეთესო. ახლახან გადაწყდა, რომ ოლიმპიური თამაშები მაყურებლის გარეშე ჩაივლის. სულ ოლიმპიადაზე 205 ქვეყნის 11 ათასი სპორტსმენი მიიღებს მონაწილეობას. ოლიმპიადა კი სტარტს 23 ივლისს აიღებს და 8 აგვისტოს დასრულდება. 

ოლიმპიური ფიცის დადებაზე

სამწუხაროდ, წლეულსაც ქართველები მხოლოდ ინდივიდუალურ სახეობებში გამოვლენ და გუნდურ სპორტებში საქართველოს ნაკრები არ იასპარეზებს. ყველაზე ახლოს მიზანთან წყალბურთელთა ეროვნული ნაკრები იყო, თუმცა მიზანს ვერც მან მიაღწია. 

ტოკიოს ოლიმპიადაზე იასპარეზებს 9 ძიუდოისტი (7 ვაჟი, 2 ქალი); 7 მოჭიდავე (3 თავისუფალი სტილის, 4 - ბერძნულ-რომაული); 5 მძლეოსანი; 4 ძალოსანი; 3 მოკრივე, 2 მოცურავე, თითო მსროლელი, მოფარიკავე, კარატისტი, ჩოგბურთელი და ტანმოვარჯიშე.

ძიუდო. 24 ივლისი - 31 ივლისი

ვარლამ ლიპარტელიანი

ყველაზე მრავალრიცხოვანი მონაწილე სპორტის ამ სახეობაში გვეყოლება და სავარაუდოდ, პირველ მედალსაც ძიუდოისტისგან ველით. ძიუდოს ტურნირი 24-31 ივლისს გაიმართება და ჩვენთვის ყველა დღე საინტერესო იქნება დასკვნითის გარდა. 31 ივლისს შერეულ გუნდურში გათამაშდება მედლები. სამწუხაროდ, ქართული გუნდი ვერ შეიკრა, საქართველოს ნაკრები ტოკიოში ვერ იჭიდავებს. ძიუდოისტთა ტურნირი "ნიპონ ბუდოკანზე" გაიმართება. წინასწარი რაუნდების შეხვედრები 06:00-დან 09:30-მდე გაგრძელდება (თბილისის დროით), ფინალური კი - 12:00-დან 14:50-მდე

24 ივლისი: ლუხუმ ჩხვიმიანი (-60 კგ) 🏅
25 ივლისი: ტატიანა ლევიცკა-შუკვანი (-52) 🏅
25 ივლისი: ვაჟა მარგველაშვილი (-66) 🏅
26 ივლისი: ეთერ ლიპარტელიანი (-57) 🏅
26 ივლისი: ლაშა შავდათუაშვილი (-73) 🏅
27 ივლისი: ტატო გრიგალაშვილი (-81) 🏅
28 ივლისი: ლაშა ბექაური (-90) 🏅
29 ივლისი: ვარლამ ლიპარტელიანი (-100) 🏅
30 ივლისი: გურამ თუშიშვილი (+100) 🏅

ჭიდაობა. 1-7 აგვისტო

გენო პეტრიაშვილი

როდესაც ძიუდისტები დაასრულებენ ასპარეზობას, "მაკუჰარი მესე ჰოლში" ხალიჩას მოჭიდავეები გაშლიან. ასპარეზობა ბერძნულ-რომაული ჭიდაობით იწყება. სამწუხაროდ, ქართველმა მოჭიდავე ვაჟებმა ოლიმპიური ლიცენზიების მხოლოდ ნახევარი მოიპოვეს. 1-ელ აგვისტოს მხოლოდ წინასწარი ჭიდაობებია, მედლების გაცემა კი 2 აგვისტოდან დაიწყება. 2 აგვსიტოდან დაწყებული დროები ასე იქნება - წინასწარი შეხვედრები - 04:00-დან 08:30-მდე, ხოლო რეპეშაჟები და ფინალური ბლოკი კი - 13:15-დან 17:00-მდე. 

1 აგვისტო: იაკობ ქაჯაია (ბრ. რომ -130 კგ). წინასწარი (1/8, 1/4 და 1/2)
2 აგვისტო: იაკობ ქაჯაია (ბრ. რომ - 130). რეპეშაჟი ან ფინალური ბლოკი 🏅
2 აგვისტო: გიორგი მელია (ბრ. რომ - 97). წინასწარი
3 აგვისტო: გიორგი მელია (ბრ. რომ. -97). რეპეშაჟი ან ფინალური ბლოკი 🏅
3 აგვისტო: რამაზ ზოიძე (ბრ. რომ -67). წინასწარი
3 აგვისტო: ლაშა გობაძე (ბრ. რომ -87). წინასწარი
4 აგვისტო: რამაზ ზოიძე (ბრ. რომ -67). რეპეშაჟი ან ფინალური ბლოკი 🏅
4 აგვისტო: ლაშა გობაძე (ბრ. რომ -87). რეპეშაჟი ან ფინალური ბლოკი 🏅
5 აგვისტო: ავთანდილ კენჭაძე (თავ. -74). წინასწარი
5 აგვისტო: გენო პეტრიაშვილი (თავ. -125) წინასწარი
6 აგვისტო: ავთანდილ კენჭაძე (თავ. -74). რეპეშაჟი ან ფინალური ბლოკი 🏅
6 აგვისტო: გენო პეტრიაშვილი (თავ. -125). რეპეშაჟი ან ფინალური ბლოკი 🏅
6 აგვისტო: ელიზბარ ოდიკაძე (თავ. -97). წინასწარი
7 აგვისტო: ელიზბარ ოდიკაძე (თავ. -97). რეპეშაჟი ან ფინალური ბლოკი 🏅

ძალოსნობა. 24-28 ივლისი & 31 ივლისი-4 აგვისტო

ლაშა ტალახაძე

ძალოსნობის ტურნირი ტოკიოს საერთაშორისო ფორუმის დარბაზში გაიმართება. შეჯიბრება 24 ივლისს დაიწყება, 29-30-ში შესვენებაა და შემდეგ ისევ გაგრძელდება. ძალოსნების ტურნირზე დროები ასე ერთგვაროვნად განსაზღვრული არ არის ყოველდღიურად. მაგალითად, 24 ივლისს, როცა ქართველი ძალოსანი არ ასპარეზობს, ბრძოლები უკვე 04:50-დან იწყება. ფაქტი ერთია, ნებისმიერ დღეს 17:00-ისთვის ყველაფერი დასრულებული იქნება.

25 ივლისი: შოთა მიშველიძე (-61 კგ) 🏅
25 ივლისი: გოგა ჩხეიძე (-67) 🏅
31 ივლისი: ანტონ პლესნოი (-96) 🏅
4 აგვისტო: ლაშა ტალახაძე (+109) 🏅

მძლეოსნობა. 30 ივლისი-8 აგვისტო

მიუხედავად იმისა, რომ მძლეოსნობაში ოლიმპიური მედლის მოპოვების რეალური შანსი არ გვაქვს, სპორტის ამ სახეობაში 5 წარმომადგენელი გვეყოლება. 

30 ივლისი: სოფიკო შათირიშვილი (ბირთვის კვრა). კვალიფიკაცია
31 ივლისი: ბაჩანა ხორავა (სიგრძეზე ხტომა). კვალიფიკაცია
1 აგვისტო: სოფიკო შათირიშვილი (ბირთვის კვრა). ფინალი 🏅
2 აგვისტო: ბაჩანა ხორავა (სიგრძეზე ხტომა). ფინალი 🏅
3 აგვისტო: გიორგი მუჯარიძე (ბირთვის კვრა). კვალიფიკაცია
3 აგვისტო: ბენიკ აბრამიანი (ბირთვის კვრა). კვალიფიკაცია
3 აგვისტო: ლაშა ღულელაური (სამხტომი). კვალიფიკაცია და ფინალი
5 აგვისტო: გიორგი მუჯარიძე (ბირთვის კვრა). ფინალი 🏅
5 აგვისტო: ბენიკ აბრამიანი (ბირთვის კვრა). ფინალი 🏅

კრივი. 24-31 ივლისი & 2-8 აგვისტო

კრივის ტურნირი "კოკუგიკანზე" გაიმართება, რომელიც საქართველოში (და მთელს მსოფლიოში) სუმოსთან არის ასოცირებული. მედლების გათამაშება 2 აგვისტოდან დაიწყება. საქართველოს ღირსებას კი 3 მოკრივე დაიცავს. ყოველდღე კრივის ორთაბრძოლები ყველაზე გვიან 16:00-ზე სრულდება.

24 ივლისი: ესკერხან მადიევი (-69 კგ). 1/16 ფინალი
26 ივლისი: სახილ ალახვერდოვი (-52). 1/16 ფინალი
26 ივლისი: გიორგი ხარაბაძე (-75). 1/16 ფინალი
27 ივლისი: ესკერხან მადიევი (-69). 1/8 ფინალი
29 ივლისი: გიორგი ხარაბაძე (-75). 1/8 ფინალი
30 ივლისი: ესკერხან მადიევი (-69). 1/4 ფინალი
31 ივლისი: სახილ ალახვერდოვი (-52). 1/8 ფინალი
1 აგვისტო: ესკერხან მადიევი (-69). 1/2 ფინალი
1 აგვისტო: გიორგი ხარაბაძე (-75). 1/4 ფინალი
3 აგვისტო: ესკერხან მადიევი (-69). ფინალი 🏅
3 აგვისტო: სახილ ალახვერდოვი (-52). 1/4 ფინალი
5 აგვისტო: სახილ ალახვერდოვი (-52). 1/2 ფინალი
5 აგვისტო: გიორგი ხარაბაძე (-75). 1/2 ფინალი
7 აგვისტო: სახილ ალახვერდოვი (-52). ფინალი 🏅
7 აგვისტო: გიორგი ხარაბაძე (-75). ფინალი 🏅

ცურვა. 24 ივლისი-1 აგვისტო

მარიამ იმნაძე

მოცურავეები ტოკიოს საწყლოსნო ცენტრში იასპარეზებენ. ორი მონაწილე გვყავს. სხვათა შორის, ბოლო მომენტში მოცურავეთა შემადგენლობაში ცვლილება მოხდა, დავით აბესაძე, რომელმაც ლიცენზია მოიპოვა, მწვრთნელებმა ირაკლი რევიშვილით ჩაანაცვლეს. 

24 ივლისი: ირაკლი რევიშვილი (400 მ. თავისუფალი სტილი). წინასწარი
25 ივლისი. ირაკლი რევიშვილი (400 მ. თავისუფალი სტილი). ფინალი 🏅
28 ივლისი: მარიამ იმნაძე (100 მ. თავისუფალი სტილი). წინასწარი
29 ივლისი: მარიამ იმნაძე (100 მ. თავისუფალი სტილი). ნახევარფინალი
30 ივლისი: მარიამ იმნაძე (100 მ. თავისუფალი სტილი). ფინალი 🏅

ჩოგბურთი. 24-31 ივლისი

ნიკოლოზ ბასილაშვილი

არიაკეს ჩოგბურთის პარკში ოლიმპიადაზე ნიკოლოზ ბასილაშვილი იასპარეზებს. ყოველდღე საჩოგბურთო მატჩები 15:00-ისთვის დასრულებული იქნება. 

24-25 ივლისი: ნიკოლოზ ბასილაშვილი. I წრე
26-27 ივლისი: ნიკოლოზ ბასილაშვილი. II წრე
28 ივლისი: ნიკოლოზ ბასილაშვილი. III წრე
29 ივლისი: ნიკოლოზ ბასილაშვილი. 1/4 ფინალი
30 ივლისი: ნიკოლოზ ბასილაშვილი. 1/2 ფინალი
31 ივლისი: ნიკოლოზ ბასილაშვილი. ბრინჯაოს მედლის მატჩი
1 აგვისტო: ნიკოლოზ ბასილაშვილი. ფინალი 🏅

ტყვიის სროლა. 24 ივლისი-2 აგვისტო

ნინო სალუქვაძე ოლიმპიადაზე მეცხრედ გამოდის. მის დისციპლინაში ასპარეზობა 04:00-დან დაიწყება და 11:30-ზე (საზეიმო ცერემონიალის ჩათვლით) დასრულდება.

25 ივლისი: ნინო სალუქვაძე (10 მ. პნევმ. პისტოლეტი). კვალიფიკაცია და ფინალი 🏅
29 ივლისი: ნინო სალუქვაძე (25 მ. სპორტული). კვალიფიკაცია 
30 ივლისი: ნინო სალუქვაძე (25 მ. სპორტული). კვალიფიკაცია და ფინალი 🏅

ტანვარჯიში. 6-8 აგვისტო

ტოკიოში სალომე ფაჟავა იასპარეზებს. 

6 აგვისტო: სალომე ფაჟავა. კვალიფიკაცია
7 აგვისტო: სალომე ფაჟავა. ფინალი 🏅

ფარიკაობა. 24 ივლისი-1 აგვისტო

სანდრო ბაზაძე

ფარიკაობაში ერთადერთი წარმომადგენელი გვყავს - სანდრო ბაზაძე.

24 ივლისი: სანდრო ბაზაძე (ხმალი). წინასწარი და ფინალი 🏅

კარატე. 5-7 აგვისტო

6 აგვისტო: გოგიტა არქანია (კუმიტე. -75 კგ). წინასწარი და ფინალი 🏅

კომენტარები

ბოლო ამბები