- ტოჩინოშინმა იაპონელ ჩიიომარუსთან ოშიდაშით წააგო
- ხვალ, ქართველი სუმოისტის მეტოქე კაგაიაკი იქნება
ქართველმა სუმოისტმა ლევან გორგაძემ იგივე ტოჩინოშინმა ნაგოიაში მიმდინარე საზაფხულო სუპერტურნირზე მე-2 მარცხი განიცადა და ჯერაც პირველი მოგების მოლოდინშია.
დღეს, ტოჩინოშინი, რომელიც შეჯიბრს აღმოსავლეთის მე-12 მაეგაშირას წოდებით ირჯება, აღმოსავლეთის მე-13 მაეგაშირა ჩიიომარუს შეხვდა და ოშიდაშით წააგო.
ქართველი და იაპონელი სეკიტორების სასტარტო შეჯახების მერე, ჩიიომარუმ მეტოქე დოჰიოსკენ დაიქნია, შემდეგ კი, კიდესთან მიიყვანა და გადამწყვეტი ილეთი განახორციელა.
ხვალ, ტოჩინოშინი დასავლეთის მე-12 მაეგაშირა კაგაიაკის გაეჯიბრება, რომელსაც ურთიერთშეხვედრებში 7:1-ს უგებს.
კომენტარები