- ცსკა მოსკოვი 89:81 (3:0) უნიქსი
- თორნიკე შენგელია: 19 ქულა და 7 მოხსნა
VTB გაერთიანებული ლიგის ფინალური სერიის მესამე მატჩში თორნიკე შენგელიას ცსკა-მ ყაზანის უნიქსს მოსკოვში უმასპინძლა, 89:81 დაამარცხა და სერია 3:0 მოიგო.
საქართველოს ნაკრების კაპიტანი სასტარტო ხუთეულში იყო. მან 35:16 წუთში 19 ქულა ჩააგდო, რაც გამარჯვებულ გუნდში საუკეთესო შედეგია. ქართველი ფორვარდის ანგარიშზე 7 მოხსნა და თითო პასი და დაფარებაა. უნიქსში საუკეთესო ამერიკელი ბრაუნი იყო 25 ქულით და 11 მოხსნით.
შეგახსენებთ, რომ ეს თორნიკე შენგელიას პირველი ტიტულია მოსკოვური კლუბის შემადგენლობაში.
კომენტარები