- რეალი 6:0 სელტა
- გარეთ ბეილმა და ისკომ გაიბრწყინეს
- სევილიური დერბი მშვიდობიანად დასრულდა
ესპანეთის ჩემპიონატის ბოლოსწინა ტურში მადრიდის რეალმა ვიგოს სელტას უმასპინძლა და 6:0 მოუგო.
ზინედინ ზიდანმა კაპიტანი სერხიო რამოსი დაასვენა, ხოლო დანი კარვახალს და კრიშტიანო რონალდოს ტრავმები აქვთ.
პირველ ტაიმში გარეთ ბეილმა დუბლი შეასრულა, განსაკუთრებით თვალსასეირო იყო უელსელის მეორე გოლი. ტაიმის რეალმა 3:0 მოიგო, რადგან ისკომ არანაკლები სილამაზის გოლი გაიტანა.
მეორე ტაიმში რეალის გოლები ჰაკიმიმ და კროოსმა გაიტანეს (1 ავტოგოლი). რეალს 75 ქულა აქვს და მესამე ადგილზეა.
საინტერესო ფაქტები
რეალი ლა ლიგაში შინ 9 ტურია, რაც არ დამარცხებულა (7 მოგება, 2 ფრე).
გარეთ ბეილმა 4 დუბლი შეასრულა ამ სეზონში. ეს მისთვის საუკეთესო შედეგია, რაც რეალშია.
სევილიური დერბი
ბეტისმა და სევილიამ ისევ უხვგოლიანი დერბი ითამაშეს, მაგრამ პირველი წრის მსგავსად, როცა ბეტისმა "სანჩეს პისხუანზე" 5:3 მოიგო, 8 გოლი აღარ გასულა - გუნდებმა 4 იკმარეს.
რეალ ბეტისი მარკ ბარტრამ დააწინაურა, შემდეგ კი ვისამ ბენ იედერმა კურიოზული გოლით გაათანაბრა. სევილია წინ სიმონ კიაერმა გაიყვანა, მაგრამ ლორენმა ბეტისი წაგებისგან იხსნა - 2:2.
ამით ბეტისმა 60 ქულა დააგროვა და ევროპალიგის ჯგუფური ეტაპის საგზური გაინაღდა. სევილია 55 ქულით მე-7 ადგილზეა და საკვალიფიკაციო ეტაპზე ითამაშებს.
სხვა მატჩები
რეალ სოსიედადი 3:2 ლეგანესი
ალავესი 3:1 ბილბაო
დეპორტივო 2:4 ვილიარეალი
ეიბარი 1:0 ლას პალმასი
ხეტაფე 0:1 ატლეტიკო
ჟირონა 0:1 ვალენსია
კომენტარები