Thumbnail

ესპანური La Voz Del Puchades-ის ინფორმაციით, ვალენსიამ უკვე მიაღწია შეთანხმებას 20 წლის გოლკიპერ გიორგი მამარდაშვილთან და ზაფხულიდან თბილისის ლოკომოტივის მეკარე ვალენსიას სარეზერვო გუნდში, CF მესტალიაში ჩაირიცხება.

საიტის მტკიცებით, გუნდთან კონტრაქტს აღარ აგრძელებენ სარეზერვოს გოლკიპერები უნაი ეჩებარია და ემილიო ბერნადი, ხოლო ხუვენილ A-დან დაწინაურდება ჩარლი პერესი. "ვალენსიას შვილობილი კლუბი შეუთანხმდა გიორგი მამარდაშვილის ტრანსფერს დინამო თბილისს, რომელსაც ეკუთვნის გოლკიპერი, თუმცა იჯარით ლოკომოტივში თამაშობს. მარტში ის ეროვნულ გუნდშიც მოაზრებოდა. მამარდაშვილმა გამოცდილება ევროპალიგაზე თამაშით მიიღო. ის 2021 წლის 50 ტალანტში მოხვდა, უეფას ოფიციალური საიტის მიხედვით".

ესპანური წყარო ამტკიცებს, რომ მამარდაშვილი მესტალიაში იჯარით ითამაშებს, ხოლო ვალენსიას მას გამოსყიდვის (არა სავალადებულო) უფლება ექნება, ტრანსფერის თანხა კი დაახლოებით მილიონ ევროს შეადგენს. ყველაზე საინტერესო ამ ცნობაში ის არის, რომ მამარდაშვილს ლა ლიგაში თამაშის შანსიც ექნება, რადგან ის მთავარ გუნდში მესამე გოლკიპერი იქნება.

შეგახსენებთ, რომ ახლახან "ტრანსფერმარკტმა" მამარდაშვილის საბაზრო ფასი განაახლა, ის 800 000 ევრო ღირს და ეროვნული ლიგის ყველაზე ძვირადღირებული ფეხბურთელია. 

📺 ვიდეო: გიორგი მამარდაშვილის სეივები გრანადასთან

კომენტარები

ბოლო ამბები