Thumbnail
  • სანდრო მამუკელაშვილის მორიგი აღიარება - ის BIG EAST Honor Roll-შია 
  • NCAA-ში სანდრო ერთბაშად სამი ინდივიდუალური პრიზისთვის იბრძვის

NCAA Big East-ის კონფერენციამ კვირის ლაურეატები დაასახელა და გამორჩეულთა შორის კვლავ მოხვდა სეტონ ჰოლის ფორვარდი სანდრო მამუკელაშვილი. სანდრო ამჯერად, კვირის სიმბოლურ ნაკრებშია, ეგრეთ წოდებულ BIG EAST Honor Roll-ში.

ამ სეზონში 21 წლის ქართველი ფორვარდი ორჯერ დაასახელეს კონფერენციის საუკეთესო მოთამაშედ, ხოლო სიმბოლურში ის სეზონში მეხუთედ მოხვდა. ამჯერად, კვირის მოთამაშე დეპოლის მცველი ჩარლი მური გახდა (24 ქულა, 6 მოხსნა, 8 პასი საშუალოდ). კვირის ახალბედა ქსავიერის მცველი კოლბი ჯოუნსია. ხუთეული კი ასე გამოიყურება: ჯეიმს ბუკნაითი (კონექტიკუტი), ჯამორკო პიკეტი (ჯორჯთაუნი), ჯულიან ჩემპენი (სტ. ჯონსი), სანდრო მამუკელაშვილი (სეტონ ჰოლი), კოლინ გილესპი (ვილანოვა). 

წაიკითხე | ‘ნაკრებში აუცილებლად ჩამოვალ’ - ინტერვიუ სანდრო მამუკელაშვილთან

სანდრო მამუკელაშვილი ამ კვირაში საშუალოდ 23.5 ქულას, 8 მოხსნას და 3.5 პასს აკეთებდა. მას 25 ქულა, 11 მოხსნა, 4 პასი და 2 დაფარება ჰქონდა დეპოლთან მოგებულ შეხვედრაში. 

📺 მამუკელაშვილი დეპოლთან

სანდრო მამუკელაშვილი Big East-ის კონფერენციის სეზონის საუკეთესო მოთამაშეობის კანდიდატია, ის ასევე იბრძვის კარლ მელოუნის პრიზისთვის, რომელიც NCAA-ს საუკეთესო მძიმე ფორვარდს გადაეცემა და რაც ყველაზე მთავარია, ქართველი იმ 30 კანდიდატს შორისაა, რომელთაგანაც ერთს კოლეჯთა ლიგის საუკეთესო მოთამაშედ დაასახელებენ და ნეისმიტის ტროფეის გადასცემენ. 

კომენტარები

ბოლო ამბები