Thumbnail

ბრაზილიის ქალთა ნაკრები გრემიოს ბიჭების U16 გუნდთან 0:6 დამარცხდა

სანდრო მისირელი პროფილის ფოტო
სანდრო მისირელი
  • ბრაზილიის ქალთა საფეხბურთო ნაკრები ოლიმპიური ტურნირისთვის ემზადება
  • მარტა და მისი თანაგუნდელები გრემიოს 16-წლამდე ბიჭებთან დამარცხდნენ

პორტუ ალეგრეს გრემიოს ვაჟთა 16 წლამდელთა გუნდმა ბრაზილიის ქალთა ეროვნული ნაკრები ამხანაგურ შეხვედრაში დიდი ანგარიშით დაამარცხა. გრემიოს U16 გუნდის წევრებმა 6:0 მოუგეს გუნდს, რომელშიც მსოფლიოს 6 გზის საუკეთესო ქალი ფეხბურთელი მარტაც თამაშობდა. აღსანიშნავია, რომ გუნდებმა მხოლოდ 30-წუთიანი ტაიმები ითამაშეს.

მიუხედავად მარცხისა, ნაკრების მწვრთნელი პია სუნდჰაგე კმაყოფილი დარჩა: “ეს ტესტ-მატჩი ჩვენთვის რამდენიმე მიზეზის გამო იყო მნიშვნელოვანი. პირველ რიგში კი იმიტომ, რომ კაცთა ფეხბურთში სხვა სისწრაფეებია. ბიჭები ძალიან სწრაფად თამაშობენ.” - განაცხადა მან და დასძინა: “გოგონების ფორმის შესაფასებლად ეს კარგი თამაში იყო. მშვენიერი იდეაა იმისათვის, რომ გუნდი გაძლიერდეს და 2021 წლის დიდი გამოწვევებისთვის მოემზადოს.”

გრემიოს ფეხბურთელებმა მარტასთან სამახსოვრო ფოტოები გადაიღეს

ბრაზილიის ქალთა ნაკრებს 18 იანვარს მორიგი ტესტ-მატჩი აქვს დაგეგმილი - ამჯერად გრემიოს ქალთა გუნდთან. აღსანიშნავია, რომ ქალთა ნაკრები კაცების ახალგაზრდულ გუნდს 2017 წელსაც შეხვდა. მაშინ აშშ-ის ნაკრები დალასის ვაჟთა ახალგაზრდულ გუნდთან 2:5 დამარცხდა.

კომენტარები

ბოლო ამბები