Thumbnail

ტოჩინოშინი თანაბარ ბალანსზეა - მან იაპონელ სუომოისტს იორიკირით აჯობა

დათო მანჯავიძე პროფილის ფოტო
დათო მანჯავიძე
  • ქართველმა სეკიტორმა ჰაცუ ბაშოზე მე-2 გამარჯვება იზეიმა
  • მისი მომდევნო მეტოქე აღმოსავლეთის მე-2  ოძეკი ასანოიამა იქნება

33 წლის ქართველმა სუმოისტმა ლევან გორგაძემ იგივე ტოჩინოშინმა იაპონიის დედაქალაქ ტოკიოში მიმდინარე 2021 წლის პირველ სუპერტურნირზე მე-4 ორთაბრძოლა გამართა და მე-2 გამარჯვება იზეიმა.

დღეს, ტოჩინოშინი, რომელიც ჰაცუ ბაშოს აღმოსავლეთის მე-4 მაეგაშირას წოდებით შეხვდა, აღმოსავლეთისვე მე-5 მაეგაშირა ენდოს გაეჯიბრა და იორიკირით აჯობა. ლევანს მოწინააღმდეგის დოჰიოს მიღმა გაყვანის რამდენიმე მცდელობა ჰქონდა და ბოლოს მიზნის მიღწევა მოახერხა.

უკვე ცნობილია, რომ იანვრის სუპერტურნირის მე-5 დღეს ქართველი სუმოისტის მეტოქე აღმოსავლეთის მე-2 ოძეკი ასანოიამა იქნება. ტოჩინოშინი მას 6-ჯერ შეხვედრია და უარყოფითი ბალანსი აქვს: 2 მოგება, 4 მარცხი.

📺 ტოჩინოშინი V ენდო

კომენტარები

ბოლო ამბები