- გოლდენ სტეიტ უორიორსი 137:106 საკრამენტო კინგსი
- კარიმ 62 ქულა ვეღარ ჩააგდო, მაგრამ ძალიან კარგი იყო
- მატჩის ბედი ნაადრევად გადაწყდა და სტეფმა ბოლოს დაისვენა
- იანისის 43 ქულა - GREEK FREAK ფორმაში შედის, მილუოკიმ დეტროიტს მოუგო
- სამმაგი დუბლი! ლუკამ და დაცვამ დალასს ჰიუსტონთან მოაგებინეს
აი, რამდენი რამ შეიძლება შეიცვალოს სულ რაღაც 2 დღეში. გოლდენ სტეიტი, რბილად რომ ვთქვათ, ცუდ სიტუაციაში იყო, ორ დღეში ზედიზედ ორმა მოგებამ კი ყველაფერი რადიკალურად შეცვალა და უორიორსზე უკვე შეიძლება იმის თქმა, რომ სეზონი ცუდად კი არა, ძალიან ნორმალურად დაიწყო.
მართალია, სტეფ კარიმ ამჯერად 62 ქულა ვეღარ ჩააგდო, მაგრამ ეგეთები ყოველდღე არ ხდება. სამაგიეროდ, ორგზის MVP ისევ შეუდარებელი იყო და მისი გუნდიც მოწოდების სიმაღლეზე იდგა.
კარიმ ამჯერად მხოლოდ 31 წუთი ითამაშა და ამ დროში 30 ქულა, 9 მოხსნა და 8 პასი მიითვალა. მატჩის ბოლო მეოთხედში სტეფი უკვე ისვენებდა, რადგან გოლდენ სტეიტმა მატჩის ბედი მანამდე გადაწყვიტა. სტივ კერის გუნდმა განსაკუთრებით კარგად სამქულიანები ჩაყარა - 43 მცდელობიდან 23 სამიანი ჩააგდეს.
საკრამენტოს კალათბურთელები კი ვერ გაერთნენ. კინგსი პირველი მეოთხედის შემდეგ უკვე 17 ქულით აგებდა. სტუმართა გუნდიდან ყველაზე პროდუქტიულები დე’აარონ ფოქსი და ჰარისონ ბარნსი იყვნენ - 18-18 ქულით.
კომენტარები