- ინგლისის პრემიერლიგაში ტესტირებამ დაინფიცირების 18 შემთხვევა გამოავლინა
- 21-27 დეკემბრის პერიოდში კლუბების 1479 მოთამაშე და თანამშრომელი გაიტესტა
ინგლისის პრემიერლიგაში მორიგი ტესტირების შედეგად კორონავირუსით დაინფიცირების 18 ახალი შემთხვევა გამოვლინდა, რაც 2020/21 წლების სეზონში ყველაზე მაღალი მაჩვენებელია. ამის შესახებ ინფორმაციას პრემიერლიგის ოფიციალური საიტი ავრცელებს.
როგორც ირკვევა, 21-27 დეკემბრის პერიოდში კლუბების 1479 მოთამაშე და თანამშრომელი გაიტესტა. COVID-19-ზე დადებითი პასუხი 18 ადამიანს ჰქონდა და ყველა მათგანი ათდღიან კარანატინში გადავიდა.
დაინფიცირების 18 შემთხვევა ინგლისის პრემიერლიგის ამ სეზონში რეკორდულად მაღალი მაჩვენებელია. უწინდელი რეკორდი - 16 დადებითი ტესტი 9-15 ნოემბერს დაფიქსირდა.
შეგახსენებთ, რომ მანჩესტერ სიტიში კორონავირუსით დაინფიცირების ბევრი შემთხვევის გამო, პრემიერლიგის მე-16 ტურის შეხვედრა ევერტონთან, რომელიც 28 დეკემბერს უნდა ჩატარებულიყო, გადაიდო.
ინგლისის პრემიერლიგის სატურნირო ცხრილს 15 ჩატარებულ მატჩში მოპოვებული 32 ქულით ლივერპული ლიდერობს. იურგენ კლოპის გუნდი 3-3 ქულით ლესტერსა და ევერტონს უსწრებს.
კომენტარები