- ენტონი ჯოშუამ და კუბრატ პულევმა WBA-ს, WBO-ს, IBF-ისა და IBO-ს ქამრებისთვის იჩხუბეს
- ჯოშუა ბრძოლის დროს დომინანტი იყო და ნოკაუტით უფრო ადრეც უნდა მოეგო
ერთწლიანი პაუზის შემდეგ ენტონი ჯოშუა რინგზე დაბრუნდა. ბრიტანელი ბულგარელ კუბრატ პულევს დაუპირისპირდა და ბრძოლა ნოკაუტით მოიგო. პროფესიული კრივის მეგა-ღონისძიებაზე ეს მთავარი ჩხუბი იყო, რომელშიც მოკრივეებმა WBA-ს, WBO-ს, IBF-ისა და IBO-ს ქამრებისთვის იჩხუბეს.
აღსანიშნავია, რომ 31 წლის ჯოშუამ 8 წლით უფროს ბულგარელს სერიოზული პრობლემები შეუქმნა და ჯერ კიდევ რამდენიმე რაუნდით ადრე შეეძლო ბრძოლის დასრულება. მან მეტოქე ნოკდაუნში 2-ჯერ გაუშვა, რის შემდეგაც მეცხრე რაუნდის დროც მოვიდა, რომლის დასრულებამდე რამდენიმე წამით ადრე, ჯოშუამ გამარჯვება ნოკაუტით გაიფორმა.
ჯოშუას კარიერაში ეს 25-ე ბრძოლა იყო. მან 24-ე გამარჯვება მოიპოვა და აქედან 23 ბრძოლა ნოკაუტით აქვს მოგებული.
კომენტარები