Thumbnail

'სან პაოლო მარადონა' - ნაპოლის სტადიონს დიეგოს სახელს არქმევენ

ლუკა გაბიდაური პროფილის ფოტო
ლუკა გაბიდაური
  • ნაპოლის პრეზიდენტს კლუბის ლეგენდის სახელის უკვდავყოფა სურს
  • ნაპოლის სტადიონი სან პაოლო შესაძლოა მარადონას სახელობის გახდეს

ნაპოლის პრეზიდენტმა აურელიო დე ლაურენტისმა განაცხადა, რომ შესაძლებელია კლუბის საშინაო არენას ლეგენდარული დიეგო მარადონას სახელი მიენიჭოს. ამ იდეას ნეაპოლში ბევრი იზიარებს. 

არგენტინის ნაკრებისა და ნაპოლის ყოფილი ფეხბურთელი 60 წლის ასაკში გარდაიცვალა. დიეგო საკუთარ სახლში იმყოფებოდა, როდესაც გული გაუჩერდა, მედიკოსებმა კი მისი გადარჩენა ვეღარ შეძლეს.

"მინდა, რომ ხვალინდელი თამაშის დროს (ნაპოლი ევროპალიგაზე რიეკას მასპინძლობს) სტადიონზე მარადონას პორტრეტი იყოს გამოფენილი. კარგი იქნება, თუკი სტადიონს "სან პაოლო მარადონას" დავარქმევთ და ამაზე უნდა დავილაპარაკოთ", - აქვეყნებს დე ლაურენტისის სიტყვებს იტალიური მედია. 

ნეაპოლელებისთვის მარადონა ნამდვილი კერპი იყო

"დიეგო არმანდო მარადონამ მილიონობით ნეაპოლელს იმედი აჩუქა და იმსახურებს იმას, რომ მის ხსოვნას პატივი მივაგოთ. სტადიონისთვის მარადონას სახელის დარქმევა - ეს ოცნებაა", - განაცხადა ჟურნალისტებთან ნეაპოლის სპორტული კომისიის პრეზიდენტმა და ქალაქის საკრებულოს წევრმა კარმინე სგამბატიმ.

მეტი ამ თემაზე:

დიეგო არმანდო მარადონა ნაპოლიში 1984-1991 წლებში გამოდიოდა და მისი მაისურით ორჯერ იტალიის ჩემპიონი, თითოჯერ კი იტალიის თასისა და სუპერთასის, ასევე უეფას თასის მფლობელი გახდა. არგენტინის ნაკრებთან ერთად დიეგომ მსოფლიოს 1986 წლის ჩემპიონატზე გაიმარჯვა.

კომენტარები

ბოლო ამბები