Thumbnail

შოთა არველაძე: არ მჯერა, რომ ჩემი ბავშვობის გმირი ცოცხალი აღარაა

დათო მანჯავიძე პროფილის ფოტო
დათო მანჯავიძე
  • ქართველი ფეხბურთელი მარადონას გარდაცვალებას გამოეხმაურა
  • ცნობილია, რომ შოთა არგენტინელი ლეგენდის დიდი ქომაგი იყო

საქართველოს ნაკრების ყოფილი ფეხბურთელი, ამჟამად კი, ტაშკენტის ფახთაქორის მთავარი მწვრთნელი შოთა არველაძე ლეგენდარული არგენტინელი ფეხბურთელის დიეგო მარადონას გარდაცვალებას გამოეხმაურა.

“RIP Diego. არ მჯერა, რომ ჩემი ბავშვობის გმირი ცოცხალი აღარაა...”, - დაწერა შოთამ სოციალურ ქსელში და ვიდეოც გამოაქვეყნა, სადაც ის თბილისში მყოფ მარადონას მაისურზე ავტოგრაფის დატანას სთხოვს.

შეგახსენებთ, რომ მსოფლიო ფეხბურთის ყველა დროის ერთ-ერთი უდიდესი ვარსკვლავი საქართველოში ზუსტად 10 წლის წინ, 2010 წლის შემოდგომაზე იყო ჩამოსული და ბორის პაიჭაძის სახელობის ეროვნულ სტადიონზე ვეტერან ფეხბურთელებთან ერთად ითამაშა. იმ მატჩში მონაწილეობა შოთა არველაძემაც მიიღო, რომელიც ყოველთვის მარადონას დიდი ქომაგი გახლდათ.

მეტი ამ თემაზე:

შეგახსენებთ, რომ ფეხბურთის ქომაგებისთვის სამწუხარო ინფორმაცია მცირე ხნის წინ არგენტინულმა გაზეთმა CLARIN-მა გაავრცელა. როგორც ირკვევა, ფეხბურთის ღმერთად წოდებული დიეგო მარადონა 60 წლის ასაკში, საკუთარ სახლში, გულის გაჩერების შედეგად გარდაიცვალა.

RIP Diego ☹️ I can't believe my childhood hero has passed away... ❤️

Posted by Shota Arveladze on Wednesday, November 25, 2020

კომენტარები

ბოლო ამბები