როცა ჰაერში უპირატესობა არაფერს ნიშნავს - მარცხი შინ 600 დღის შემდეგ

ნიკო კვარაციხელი

საინტერესო ფაქტები და შეფასებები
წავაგეთ! პანდევმა საქართველოს ოცნება დაასამარა
'ბოდიში ყველას, ჩემი დროც ამოიწურა' - ვაისი საქართველოს ნაკრებიდან მიდის
'პატარა ერი და პატარა ქვეყანა ვართ' - ფეხბურთელები პრესკონფერენციაზე შეიჭრნენ

"დინამო არენაზე" დასრულდა ევრო 2020-ის პლეი ოფის ფინალური მატჩი, რომელშიც ჩრდილოეთ მაკედონიის ნაკრებმა გორან პანდევის გოლით საქართველოს ნაკრები დაამარცხა. 2021 წლის ზაფხულში მაკედონიელები ევრო 2020-ის C ჯგუფში ითამაშებენ ნიდერლანდების, უკრაინისა და ავსტრიის ნაკრებებთან ერთად. ასე უიღბლოდ დასრულდა საქართველოს ნაკრების ისტორიაში ყველაზე მნიშვნელოვანი მატჩი.

საინტერესო ფაქტები

⚽ ამ მატჩის გამარჯვებული ევროპის ჩემპიონატების დებიუტანტი გახდებოდა. სამწუხაროდ, ეს ჩრდილოეთ მაკედონიის ნაკრებია.

⚽ საქართველოს ნაკრები 2019 წლის 19 ნოემბრის შემდეგ პირველად დამარცხდა. მაშინ ვაისის გუნდმა ხორვატიასთან წააგო.

⚽ საქართველოს ნაკრების 5-მატჩიანი წაუგებელი სერია დასრულდა.

⚽ საქართველოს ნაკრებმა შინ ზუსტად 600 დღის შემდეგ წააგო შინ. ბოლოს ეს შვეიცარიის ნაკრებთან მოხდა (0:2).

⚽ საქართველოს ნაკრებს 3-მატჩიანი მოუგებელი სერია აქვს.

⚽ საქართველოს ნაკრებმა შინ გოლი ბოლოს 66 დღის წინ გაუშვა, მაშინაც ჩრდილოეთ მაკედონიის ნაკრებისგან (რისტოვსკი).

⚽ 2020 წელს საქართველოს ნაკრებმა სულ 2 გოლი გაუშვა შინ, ორივე ჩრდილოეთ მაკედონიის ნაკრებისგან.

whoscored.com-მა მატჩის საუკეთესო შეფასება შეხვედრის გმირ გორან პანდევს დაუწერა - 7.7 10-ბალიანი სისტემით. წაგებულთა რიგებში საუკეთესო ნიკა კვეკვესკირი იყო, რომელიც სულ ცოტათი ჩამორჩა პანდევს - 7.6.

📺 საქართველო v ჩრდ. მაკედონია [მიმოხილვა]

whoscored.com-ის შეფასებები

საქართველოს ნაკრები

ლორია - 6.2
კაკაბაძე - 6.7; კვერკველია - 6.3; კაშია - 6.2; დვალი - 5.8
კანკავა - 6.8; კვეკვესკირი - 7.6
ოქრიაშვილი - 6.8; გვილია - 6.2; ყაზაიშვილი - 6.4
კაჭარავა - 6.6

ჩრდილოეთ მაკედონიის ნაკრები

დიმიტრიევსკი - 7.2
ბიეტულაი - 6.5; ველკოვსკი - 7.1; მუსლიუ - 7.0
რისტოვსკი - 7.3; ნიკოლოვი - 6.7; ადემი - 6.8; ალიოსკი - 7.2
ელმასი - 6.7
ნესტოროვსკი - 7.1; პანდევი - 7.7