- ქართველი სპორტსმენი UFC-ს დებიუტანტს 7 ნოემბერს დაუპირისპირდება
- 32 წლის გიგა ჭიკაძეს გასული 4 შერკინება მოგებული აქვს
32 წლის ქართველი მებრძოლი გიგა ჭიკაძე UFC-ში თავის მე-5 ორთაბრძოლას ამერიკელი ჯეიმი სიმონსის წინააღმდეგ ჩაატარებს. როგორც გიგამ სოციალურ ქსელში დაწერა, ორთაბრძოლა 7 ნოემბერს ლას ვეგასში ჩატარდება.
28 წლის სიმონსი ცნობილი მებრძოლი ნამდვილად არ გახლავთ. ის UFC-ში საერთოდაც დებიუტანტია, MMA-ში კი, 6 მოგება და 2 მარცხი აქვს. ჯეიმის, რომლის მეტსახელიც “აფრო სამურაი” გახლავთ, ბოლო შერკინება გასული წლის დეკემბერში აქვს ჩატარებული და ახლა, ზურგს 2 წარმატებული ბრძოლა უმაგრებს.
შეგახსენებთ, რომ ჭიკაძემ UFC-ში მეოთხე შეხვედრა მცირე ხნის წი, 10 ოქტომბერს. დაუმარცხებელ ომარ მორალესთან (ვენესუელა) ჩაატარა. დაპირისპირება აბუ-დაბისთან მდებარე “მებრძოლთა კუნძულზე” გაიმართა, გიგა სამივე რაუნდში დომინანტი იყო და მორალესს, რომელსაც მანამდე 10-დან 10 ბრძოლა ჰქონდა მოგებული, შანსი არ დაუტოვა.
ჭიკაძეს UFC-ში 100%-იანი შედეგი აქვს - 4 ბრძოლა და 4 მოგება, შერეულ ორთაბრძოლებში მისი ჯამური ბალანსი კი 11:2-ზეა.
📺 გიგა ჭიკაძე V ომარ მორალესი
კომენტარები