- 📅 20 ოქტომბერი | ⌚ 23:00 | ⚽ პსჟ V იუნაიტედი | 📺 SILK UNIVERSAL
- პარი სენ-ჟერმენი კილიან მბაპეს ხელშეკრულების გაგრძელებას სთავაზობს
- ფორვარდი გადაწყვეტილების მიღებას არ ჩქარობს
კილიან მბაპე პარი სენ-ჟერმენთან ახალი კონტრაქტის გაფორმებას რომ არ ჩქარობს, ეს უკვე ყველამ იცის. ფრანგული გამოცემა Le Parisien წერს, რომ საფრანგეთის ნაკრების ფორვარდი უახლოეს მომავალში ამას არც აპირებს.
21 წლის მბაპეს პსჟ-სთან ხელშეკრულება 2022 წლის ზაფხულამდე აქვს გაფორმებული. მართალია, იქამდე ბევრი დროა, მაგრამ პარიზულ გრანდში მბაპეს შენარჩუნებაზე ზრუნვა უმთავრეს პრიორიტეტად მიაჩნიათ, რადგან კილიანის გადაბირებაზე ყველა ტოპ-კლუბი ოცნებობს - განსაკუთრებით კი მადრიდის რეალი.
Le Parisien-ის ინფორმაციით, მბაპე შიშობს, რომ თუ პარიზელებთან ახალ, უფრო ხანგრძლივვადიან კონტრაქტს გააფორმებს, ეს მის სხვა კლუბში გადასვლას გაართულებს.
კილიან მბაპე პარი სენ-ჟერმენში 2017 წლიდან თამაშობს. იგი თავიდან მონაკოდან განათხოვრებული იყო, მერე კი პსჟ-მ მბაპეს კონტრაქტი გამოისყიდა - გავრცელებული ცნობების მიხედვით, 180 მილიონ ევროდ. საფრანგეთის ნაკრებში მბაპე 2017 წლიდან თამაშობს და 2018 წელს მსოფლიოს ჩემპიონი გახდა.
შეგახსენებთ, რომ ჩემპიონთა ლიგის პირველ ტურში დღეს პსჟ მანჩესტერ იუნაიტედს მასპინძლობს.
კომენტარები