- ფეხბურთელების შეფასება და სტატისტიკა whoscored.com-ის მიხედვით
- კაჭარავას თავურით - საქართველოს ნაკრებმა ერთა ლიგა გამარჯვებით დაიწყო
- 'უკეთესი გუნდი ვიყავით' - ვაისმა ესტონეთთან მატჩი შეაფასა
- '19 წლის ბიჭმა გვაჯობა' - ესტონელები საქართველოსთან მარცხზე
საქართველოს ნაკრებმა გამარჯვებით დაიწყო ერთა ლიგის C დივიზიონში ასპარეზობა - ტალინში ნიკა კაჭარავას გოლით ესტონეთის ნაკრები დაამარცხა - 1:0. whoscored.com-მა მატჩში მონაწილე ფეხბურთელები შეაფასა.
საუკეთესო შეფასება, რა თქმა უნდა, ხვიჩა კვარაცხელიამ მიიღო. არადა, 19 წლის შემტევი ნახევარმცველი სულ მეორედ თამაშობდა ეროვნულ ნაკრებში. მან საგოლე პასი მიითვალა, whoscored.com-მა კი 8.6 ქულა დაუწერა (10-ბალიანი სისტემით). 7 და მეტი შეფასება ნაკრების კიდევ 6-მა ფეხბურთელმა მიიღო.
whoscored.com-ის შეფასებები
ლორია 6.8
კაკაბაძე 6.8; კვერკველია 7.2; ხოჭოლავა 7.1; ჯიღაური 6.8
კანკავა 6.7; კვეკვესკირი 7.0
კვარაცხელია 8.6; ჩაკვეტაძე 7.6; ოქრიაშვილი 7.1
კაჭარავა 7.5
სათ: ლობჟანიძე 6.6; ქვილითაია 6.1; აბურჯანია 6.0
📺 ესტონეთი V საქართველო
ესტონეთის ნაკრების შემადგენლობაში 7 და მეტი ქულა მხოლოდ ერთმა ფეხბურთელმა მიიღო, ცენტრალურმა მცველმა იონას ტამმა, რომელმაც ოქრიაშვილის დარტყმული კარის ხაზიდან გამოიტანა - 7.3.
ფეხბურთელების სტატისტიკა
📌 მეტოქის კარისკენ 3-3-ჯერ კვარაცხელიამ და ლობჟანიძემ დაარტყეს, ოქრიაშვილმა - 2-ჯერ.
📌 კაჭარავას (გოლი), ოქრიაშვილისა (მცველმა გამოიტანა) და ლობჟანიძის (მეკარე) თითო დარტყმა იყო ზუსტი.
📌 ყველაზე მეტი მნიშვნელოვანი პასი ჩაკვეტაძემ გააკეთა - 4; შემდეგ მოდის ოქრიაშვილი - 3.
📌 პასის სიზუსტით (თუ ქვილითაიას არ ჩავთვლით, მან ცოტა ითამაშა) ოქრიაშვილმა ყველას აჯობა - 94.6.
📌 ყველაზე მეტი საჰაერო ორთაბრძოლა მოიგო ხოჭოლავამ - 5, შემდეგ მოდის კაჭარავა - 4.
📌 კაკაბაძე ბურთს 97-ჯერ შეეხო, კვარაცხელია - 82-ჯერ, ოქრიაშვილი 79-ჯერ.
📌 კვარაცხელიამ 10-ჯერ განახორციელა დრიბლინგი, ჩაკვეტაძემ - 5-ჯერ, ოქრიაშვილმა 3-ჯერ.
📌 3-3 ჯერ კვარაცხელიას, ოქრიაშვილისა და ჯიღაურის წინააღმდეგ დაჯარიმდნენ.
📌 კვარაცხელიამ 6-ჯერ დაკარგა პოზიცია, ოქრიაშვილმა სამჯერ.
📌 ოქრიაშვილმა 4-ჯერ ცუდად გააკონტროლა ბურთი, კაჭარავამ - 3-ჯერ.
📌 3-3 ფიზიკური ორთაბრძოლა კანკავამ და კვარაცხელიამ მოიგეს; კვერკველიამ 3-ჯერ ჩაჭრა ბურთი და 4-ჯერ გამოიტანა ის საჯარიმოდან.
📌 კაჭარავა 4-ჯერ დაჯარიმდა.
📌 ყველაზე მეტი პასი ხოჭოლავამ გააკეთა - 71, შემდეგ კვეკვესკირმა - 70 და კაკაბაძემ - 69.
📌 6-6 ჩაწოდება ოქრიაშვილისა (2 წარმატებული) და კვარაცხელიას (1) ანგარიშზეა.
📌 ყველაზე მეტი შორეული პასი - კვეკვესკირი - 15 (ლორიას შემდეგ).
📌 მეტოქის დაცვის ხაზის გამჭრელი პასი ნაკრების ფეხბურთელებს არ გაუკეთებიათ.
📌 ფლანგებზე შეტევები თანაბრად გადანაწილდა: 41% მარჯვენა, 40% მარცხენა. ცენტრიდან შეტევების 19% განვითარდა.
კომენტარები