- ჟორჟ მიქაუტაძემ პროქსიმუს ლიგის I ტურში პოკერი შეასრულა
- 19 წლის ფორვარდი მეცის საკუთრებაა და მას ლიგა 1-ში უკვე უთამაშია
ბელგიის რანგით მე-2, პროქსიმუს ლიგის პირველ ტურში ბექა ვაჩიბერაძის ლომელი შინ 3:5 დამარცხდა დებიუტანტ სერენთან...
ვაჩიბერაძე, რომელიც უკრაინის მოქალაქე იყო და შემდეგ ქართული პასპორტი მიიღო, განაცხადში საერთოდ არ ყოფილა. სამაგიეროდ, მეორე ქართველი, საფრანგეთის მოქალაქე ჟორჟ მიქაუტაძე მატჩის გმირი გახდა.
📺 ჟორჟ მიქაუტაძე ლომელის წინააღმდეგ
სერენის ფორვარდმა მე-10 წუთზე პენალტით გახსნა ანგარიში, თუმცა ტაიმი ლომელმა 2:1 მოიგო. 51-ე წუთზე მიქაუტაძემ კვლავ გაიტანა, ხოლო 4 წუთში სულაც დააწინაურა სტუმრები. ლომელმა გათანაბრება ისევ შეძლო - 3:3.
გადამწყვეტი 72-ე წუთი გამოდგა, როცა ჟორჟმა კიდევ ერთი გოლი გაიტანა და მისთვის სადებიუტო მატჩში პოკერი შეასრულა. ბოლო წუთზე მატჩის გმირი გამოცვალეს.
📺 ზეიმი სერენის გასახდელში, გუნდელებმა მატჩის გმირი ასე დააფასეს
ვინ არის ჟორჟ მიქაუტაძე? - ლიგა 1-ის მეცის 19 წლის ფორვარდი, რომელსაც ფრანგული მოქალაქოება აქვს. დეკემბერში მას ფრანგულ ელიტაში ჰქონდა დებიუტი. ლიონის აღზრდილმა მაშინ მეცთან 3-წლიანი კონტრაქტი გააფორმა. ამ ზაფხულს მეცმა ახალგაზრდა ფორვარდი სერენში გაანათხოვრა. ის 8-გუნდიან პროქსიმუს ლიგაში სეზონის პირველ ნახევარს გაატარებს. მიქაუტაძემ ამხანაგურ მატჩებში თავი გამოიჩინა - მეცსა და გენტს გაუტანა.
კომენტარები