- 'არ მოიპოვება არცერთი მტკიცებულება, რომელიც დაადასტურებს ძალადობის ფაქტს'
- ‘ფიზიკურად არაერთხელ იძალადა’ – ნიკოლოზ ბასილაშვილს ბრალი დაუმძიმდა
ნიკოლოზ ბასილაშვილის ავდოკატი ირმა ჭკადუა სოციალურ ქსელში დღეს გავრცელებულ ინფორმაციას გამოეხმაურა, რომლის თანახმადაც ქართველ ჩოგბურთელს ბრალი დაუმძიმდა. შეგახსენებთ, რომ განცხადება ორგანიზაციამ პარტნიორობა ადამიანის უფლებებისთვის (PHR) ეკუთვნოდა, სადაც ბასილაშვილის საქმეში ახალ მტკიცებულებებზე იყო საუბარი. ჭკადუას კომენტარს უცვლელად გთავაზობთ:
“ამერიკის ცინცინატის ღია პირველობამდე, ორი დღით ადრე, მორიგი ფსიქოლოგიური ზეწოლა მსოფლიოს 27-ე ჩოგანზე. დღეს, მედია საშუალებებით, ნიკოლოზ ბასილაშვილის წინაღმდეგ, მორიგი აბსურდული ინფორმაცია გაავრცელეს ნელი დოროყაშვილის უფლებადამცველებმა, რაზეც, გვსურს, მცირე განმარტება გავაკეთოთ: სრული პასუხისმგებლობით ვაცხადებთ, რომ საუბარი, ბასილაშვილის წინააღმდეგ “ბრალის დამძიმების” შესახებ, არის მორიგი სპეკულაცია და ემსახურება სპორტსმენის იმიჯის შელახვას. გვსურს, საზოგადოებას განვუმარტოთ, რომ რეალურად, პროკურატურაში, ბასილაშვილის წინააღმდეგ, ბრალი დაზუსტდა და არ დამძიმებულა. რადგან გამოძიების პირველ ეტაპზე, წაყენებული ბრალის მიხედვით, ნიკოლოზ ბასილაშვილს 3 წლამდე პატიმრობა ემუქრებოდა, დაზუსტებული ბრალის მიხედვით, ეს პატიმრობის ვადა, 2 წლამდე შემცირდა. შესაბამისად, გაურკვეველია რას გულისხმობენ, ბრალის დამძიმებაში, ნელი დოროყაშვილის ადვოკატები. რაც შეეხება გენდერული და სხვა ნიშნით ძალადობას, აღნიშნული ბრალდება, არის დამყარებული მხოლოდ ერთი ადამიანის – ნელი დოროყაშვილის ჩვენებაზე და არის მისი სუბიექტური შეფასება, რადგან საქმეში არ მოიპოვება არცერთი მტკიცებულება, რომელიც დაადასტურებს ფიზიკური ან მორალური ძალადობის ფაქტს”.
შეგახსენებთ, რომ საქართველოს პირველი ჩოგანი ნიკოლოზ ბასილაშვილი ყოფილი ცოლის ცემის ბრალდებით დააკავეს, შემდეგ კი გირაო შეუფარდეს და 100 000 ლარის სანაცვლოდ გაათავისუფლეს. ამასთან, შემაკავებელი ორდერია გაცემული ნიკას მამაზეც. ბრალდების თანახმად, 21 მაისს, ნიკა ბასილაშვილი და მამისი ახალგაზრდა ქალს ფიზიკურად გაუსწორდნენ. ამ ფაქტს მათი არასრულწლოვანი შვილიც შეესწრო. გამოძიება გრძელდება, საქმეზე მორიგი სასამართლო სხდომა კი 20 ოქტომბერს ჩაინიშნა.
📋 მეტი ამ თემაზე:
- 'რაღაც საგნით გამომეკიდა, მგონი ნაჯახით' - ბასილაშვილის ყოფილი ცოლის კომენტარი
- ბასილაშვილის ოჯახი: ძალადობის ფაქტი არ ყოფილა და ამას დავამტკიცებთ
- ნიკოლოზ ბასილაშვილი: ცხოვრების ამ რთულ ეტაპზე ჩემი სიმართლე უნდა დავიცვა
- შოთა არველაძე: მინდა, ამ რთულ მომენტში ბასილაშვილს მხარდაჭერა გამოვუცხადო
- ნელი დოროყაშვილის ადვოკატი: ძალადობას ადგილი ჰქონდა სხვადასხვა დროს
- კვერნაძე: ნიკას ნერვი არაფერზე ეშლება, როგორ შეიძლება აქამდე მისულიყო
- ბასილაშვილის ადვოკატი: სკანდალი იყო, აშშ-ს ღია პირველობის დირექტორიც კი ჩაერია
კომენტარები