Thumbnail
  • პეპ გვარდიოლას გუნდმა მადრიდის რეალს ორივე მატჩი მოუგო
  • მანჩესტერ სიტის მეტოქე მეოთხედფინალში ლიონი იქნება

მანჩესტერ სიტიმ ჩემპიონთა ლიგის მერვედფინალური ეტაპის საპასუხო მატჩში მადრიდის რეალს უმასპინძლა და მეტოქეს ისევ 2:1 მოუგო. მანჩესტერელებმა ზიდანის გუნდი ორივე შეხვედრაში დაამარცხეს და მეოთხედფინალის საგზური დამსახურებულად მოიპოვეს...

ინგლისში პირველი გოლი რაჰიმ სტერლინგმა მე-9 წუთზე გაიტანა, რასაც ქარიმ ბენზემამ 28-ე წუთზე უპასუხა, თუმცა რეალმა მატჩის მოგება ვერ შეძლო. გაბრიელ ჟეზუშმა შეხვედრის საბოლოო ანგარიში დააფიქსირა და სიტი მეოთხედფინალში გავიდა, სადაც ლიონს შეხვდება.

📺 მანჩესტერ სიტი V რეალი

მანჩესტერ სიტი 2:1 რეალი

გოლები: 1:0 სტერლინგი (9), 1:1 ბენზემა (28), 2:1 ჟეზუში (68)

მანჩესტერ სიტი: ედერსონი - კანსელო, ლაპორტი, ფერნანდინიო, უოკერი - გიუნდოგანი, როდრი (ოტამენდი 89'), დე ბრუინი - სტერლინგი (სილვა 81'), ჟეზუში, ფოდენი (ბერნარდო სილვა 67')

რეალი: კურტუა - მენდი, ვარანი, მილიტაო, კარვახალი (ვასკესი 83') - კროოსი, კაზემირო, მოდრიჩი (ვალვერდე 83') - როდრიგო (ასენსიო 61'), ბენზემა, აზარი (იოვიჩი 83')

კომენტარები

ბოლო ამბები