- 19 წლის ფეხბურთელი რუსეთის ლიგაში ერთ-ერთი გამორჩეული იყო
- ზურიკო ჩემპიონატის ხუთ საუკეთესო დრიბლიორს შორის მოხვდა
- რუბინის ლეგიონერს 122 დრიბლინგიდან 74 წარმატებული ჰქონდა
საქართველოს ეროვნული ნაკრებისა და ყაზანის რუბინის ნახევარმცველი ზურიკო დავითაშვილი რუსეთის პრემიერლიგის 2019/20 წლების სეზონის იმ ხუთ მოთამაშეს შორის მოხვდა, რომლებიც წარმატებული დრიბლინგების პროცენტული მაჩვენებელი სხვებზე მაღალი ჰქონდათ.
19 წლის ქართველს ფეხბურთელს, რომელმაც რუსეთის ჩემპიონატის 26 შეხვედრაში ითამაშა და 2 გოლი მიითვალა, დრიბლინგის 122 მცდელობა ჰქონდა, საიდანაც 74 წარმატებული გამოუვიდა - 61%. ეს რუსეთის პრემიერლიგაში მეხუთე შედეგია.
აღსანიშნავია, რომ რუსეთის პრემიერლიგის საუკეთესო დრიბლიორთა ხუთეულში ყველა ლეგიონერია. რაც შეეხება ახალგაზრდა ქართველ ფეხბურთელს, ზურიკო მხოლოდ აირტონს (სპარტაკი, 107 175-იდან, 61%), ოდისე როშის (62%), ჟოაო მარიუს (ლოკომოტივი, 63%) და ნიკოლა ვლაშიჩს (ცსკა, 63%) ჩამორჩა.
ზურიკო დავითაშვილი ყაზანის რუბინს შარშან ზაფხულს შეუერთდა და მის ღირსებას ხვიჩა კვარაცხელიასთან ერთად იცავს. გუნდმა, რომელსაც გავარდნა ემუქრებოდა, საბოლოოდ ჩემპიონატი მე-10 ადგილზე დაასრულა.
რუსეთის 2020/21 წლების პრემიერლიგა სტარტს 8 აგვისტოს აიღებს, ქართველების გუნდი კი პირველი ტურის შეხვედრას 11 აგვისტოს, შინ მოსკოვის ლოკომოტივთან ჩაატარებს.
კომენტარები