- მე-4 ტური: დინამო 2:0 ტორპედო.
- გამარჯვებული გუნდიდან დუბლი ბუდუ ზივზივაძემ შეასრულა.
- დინამოს 9 ქულა აქვს და სატურნირო ცხრილში მე-2 ადგილზეა.
ეროვნული ლიგის მიმდინარე გათამაშების მე-4 ტურის ცენტრალური მატჩი დინამო არენაზე გაიმართა, სადაც თბილისის დინამომ ქუთაისის ტორპედოს უმასპინძლა.
ეს იყო ამ გუნდების პირველი შეხვედრა გასული სეზონის საჩემპიონო დაპირისპირების შემდეგ, როდესაც ტორპედომ სწორედ თბილისში მოიპოვა ტიტული.
ამჯერად, მატჩი თბილისელთა უპირატესობით წარიმართა და შედეგიც შესაბამისი დაფიქსირდა: 2:0 კახა კაჭარავას გუნდის სასარგებლოდ.
მატჩი 12 წუთის დაწყებული იყო, როდესაც ოთარ კიტეიშვილის შესანიშნავი გადაცემის შემდეგ, ბუდუ ზივზივაძე მეკარესთან პირისპირ დარჩა და გაიხსნა ანგარიში, 1:0.
პირველი ტაიმის დასრულებამდე ერთი წუთი რჩებოდა, როდესაც დინამოს ხანგრძლივი და ცოტა ქაოტური იერიში ასევე ბუდუ ზივზივაძის ზუსტი დარტყმით დასრულდა, 2:0.
მეორე ნახევარში ტორპედომ სცადა თამაშში გარდატეხის შეტანა, თუმცა დინამო აკონტროლებდა თამაშს და მნიშვნელოვანი 3 ქულა ჩაიწერა აქტივში.
4 ტურის შემდეგ, დინამოს 9 ქულა აქვს და სატურნირო ცხრილში საბურთალოს შემდეგ მეორე ადგილზეა. ტორპედო 6 ქულით მე-5 ადგილს იკავებს.
დინამო 2:0 ტორპედო
გოლები: 1:0 ზივზივაძე (12), 2:0 ზივზივაძე (45)
დინამო: ბულისკერია, რუხაია, თოთაძე, კობოური, ხარაბაძე, ივანისენია (73. ძალამიძე), კუცია (87. ქოჩლაძე), შულაია (90. ნინუა), კიტეიშვილი, ივანიშვილი, ზივზივაძე
ტორპედო: კვასხვაძე, ტაბატაძე, ხურცილავა, გურული, ქიმაძე, გიგაური, წიქარიძე (73. კუხიანიძე), დოლიძე (67. სარდალიშვილი), ლიპარტია, კუტალია, კაპანაძე (13. ტუღუში)
კომენტარები