- იტალიურმა კლუბმა სტეფანო პიოლისთან 2-წლიანი კონტრაქტი გააფორმა
- ხელმძღვანელობა სეზონის ბოლოს მილანში რალფ რანგნიკის მოყვანას გეგმავდა
მილანმა პანდემიის შემდეგ 9 მატჩი გამართა, საიდანაც 7 მოიგო და 2 ფრედ დაასრულა. სტეფანო პიოლის გუნდმა ევროპალიგის საგზური, ფაქტობრივად, გაინაღდა. შესაბამისად, კლუბმა მასთან კონტრაქტის გახანგრძლივება მოისურვა. იტალიელს 2-წლიანი კონტრაქტი გაუფორმეს, მას კლუბში 2022 წლამდე დატოვებენ.
''ძალიან ბედნიერი და გახარებული ვარ, რომ მილანისგან ასეთი ნდობა მივიღე. მინდა მადლობა გადავუხადო ყველას. ჩვენ ასე თამაში უნდა გავაგრძელოთ, რათა წარმატებას მივაღწიოთ.'', - განაცხადა იტალიელმა სპეციალისტმა.
📺 სასუოლო 1:2 მილანი
მილანში სეზონის დასრულების შემდეგ რალფ რანგნიკი უნდა დაენიშნათ, თუმცა ჩატარებული მატჩებიდან გამომდინარე ''როსონერის'' ეს გეგმა ჩაეშალა და კლუბში პიოლი დატოვა.
კომენტარები