Thumbnail

დიდი 10 - აიამ არმია გაანადგურა და დიდი 10-ის რეკორდი დაამყარა

ჯიმი ოლსენი პროფილის ფოტო
ჯიმი ოლსენი
  • აია 79:0 არმია.
  • 13 ლელო არმიას ჩათვლის მოედანში და 7 გარდასახვა.
  • ქუთაისელებმა დიდი 10-ის რეკორდი დაამყარეს.

დიდი 10-ის მე-17 ტური ქუთაისისა აიასა და არმიას დაპირისპირებით გაიხსნა. აია არენაზე შეკრებილმა გულშემატკივარმა საოცარი დაპირისპირება იხილა. ქუთაისურმა კლუბმა მეტოქეს 13 ლელო დაუდო, 7 გარდასახვა გაიტანა და მეტოქე გამანადგურებელი ანგარიშით, 79:0 დაამარცხა.

ქუთაისელებმა დიდი 10-ის რეკორდი დაამყარეს. ტურნირის არსებობის ისტორიაში მათ ყველაზე დიდი ანგარიშით მოახერხეს მეტოქის დამარცხება.

ზურაბ ძნელაძემ ყველაზე მეტი ლელო დადო, მან თავი 4-ჯერ გამოიჩინა. ლელოების დადება მოახერხეს: ბადრი დანგაძემ, ნიკა წივწივაძემ, გიორგი ტორაძემ, თემურ თუთბერიძემ, მიხეილ ბაბუნაშვილმა, ჟორა მღებრიშვილმა, თორნიკე მანაგაძემ, დავით ლოსაბერიძემ, არჩილ ღონღაძემ. დავით ლოსაბერიძემ 4 გარდასახვა გაიტანა, ზურა ძნელაძემ სამჯერ დაარტყა ზუსტად.

აიას ათმა მორაგბემ შეძლო ლელოს დადება.

აიამ 66 ქულა დააგროვა. ქუთაისელები ამ ტურში პირველ ადგილს ვეღარ დაკარგავენ. მათსა და ლოკომოტივს შორის სხვაობა 6 ქულაა. ლოკომოტივის მეტოქე მე-17 ტურში კიდევ ერთი ქუთაისური კლუბი, ბაგრატი იქნება.

იხილეთ ვიდეო

კომენტარები

ბოლო ამბები