Thumbnail

UFC | ლიანა ჯოჯუას პირველი გამარჯვება პირველ რაუნდში

ჯიმი ოლსენი პროფილის ფოტო
ჯიმი ოლსენი

ლიანა ჯოჯუამ UFC-ში პირველი გამარჯვება იზეიმა. აბუ დაბიში, ''მებრძოლთა კუნძულზე'', მან პირველივე რაუნდში შეძლო მეტოქის დამარცხება, რაც ქართველ სპორტსმენებს შორის საუკეთესო შედეგია. ლიანას მეტოქე რუმინელი დიანა ბელბიტა იყო, რომელსაც ამ ბრძოლამდე 13-5-ზე სტატისტიკა ჰქონდა.

ბრძოლა პირველსავე რაუნდში პარტერში გადავიდა, სადაც ლიანამ შესანიშნავად იასპარეზა. მან მეტოქე მტკივნეულ ილეთზე დაიჭირა, რის შემდეგაც ბელბიტა მას დანებდა და ჯოჯუამ UFC-ში პირველი მოგება გაიფორმა.

ლიანას UFC-ში დებიუტი შარშან ჰქონდა  - UFC 242-ის ეგიდით. ''ქართველი მგელი'' სარა მორასთან მესამე რაუნდში დამარცხდა და მისი შედეგი ამ მარცხის შემდეგ კარიერაში 7-3-ზე გახდა. აბუ დაბიში კიდევ ერთი ქართველი იჩხუბებს - რომან დოლიძე UFC-ში სადებიუტო ბრძოლას 19 ივლისს გამართავს და მისი მეტოქე რუსი ხადის იბრაგიმოვი იქნება.

 

კომენტარები

ბოლო ამბები